हे चन्द्रचूड मदनान्तक शूलपाणे
स्थाणो गिरीश गिरिजेश महेश शम्भो।
भूतेश भीतभयसूदन मामनाथं
संसारदुःख- गहनाज्जगदीश रक्ष।
हे पार्वतीहृदयवल्लभ चन्द्रमौले
भूताधिप प्रमथनाथ गिरीशचाप।
हे वामदेव भव रुद्र पिनाकपाणे
संसारदुःख- गहनाज्जगदीश रक्ष।
हे नीलकण्ठ वृषभध्वज पञ्चवक्त्र
लोकेश शेषवलय प्रमथेश शर्व।
हे धूर्जटे पशुपते गिरिजापते मां
संसारदुःख- गहनाज्जगदीश रक्ष।
हे विश्वनाथ शिव शङ्कर देवदेव
गङ्गाधर प्रमथनायक नन्दिकेश।
बाणेश्वरान्धकरिपो हर लोकनाथ
संसारदुःख- गहनाज्जगदीश रक्ष।
वाराणसीपुरपते मणिकर्णिकेश
वीरेश दक्षमखकाल विभो गणेश।
सर्वज्ञ सर्वहृदयैकनिवास नाथ
संसारदुःख- गहनाज्जगदीश रक्ष।
श्रीमन्महेश्वर कृपामय हे दयालो
हे व्योमकेश शितिकण्ठ गणाधिनाथ।
भस्माङ्गराग नृकपालकलापमाल
संसारदुःख- गहनाज्जगदीश रक्ष।
कैलासशैलविनिवास वृषाकपे हे
मृत्युञ्जय त्रिनयन त्रिजगन्निवास।
नारायणप्रिय मदापह शक्तिनाथ
संसारदुःख- गहनाज्जगदीश रक्ष।
विश्वेश विश्वभवनाशक विश्वरूप
विश्वात्मक त्रिभुवनैकगुणाधिकेश।
हे विश्वनाथ करुणामय दीनबन्धो
संसारदुःख- गहनाज्जगदीश रक्ष।
एक श्लोकी सुंदरकांड
यस्य श्रीहनुमाननुग्रहबलात्तीर्णाम्बुधिर्लीलया लङ्का....
Click here to know more..कृष्ण नामावलि स्तोत्र
केशवं केशिमथनं वासुकेर्नोगशायिनम् । रासक्रीडाविलासाढ....
Click here to know more..भोर भई दिन चढ़ गया मेरी अंबे
भोर भई दिन चढ़ गया मेरी अम्बे, हो रही जय जय कार मंदिर विच आर....
Click here to know more..