प्रवरं प्रभुमव्ययरूपमजं
हरिकेशमपारकृपाजलधिम्|
अभिवाद्यमनामयमाद्यसुरं
भज रे बृहदीश्वरमार्तिहरम्|
रविचन्द्रकृशानुसुलोचन-
मम्बिकया सहितं जनसौख्यकरम्|
बहुचोलनृपालनुतं विबुधं
भज रे बृहदीश्वरमार्तिहरम्|
हिमपर्वतराजसुतादयितं
हिमरश्मिविभूषितमौलिवरम्|
हतपापसमूहमनेकतनुं
भज रे बृहदीश्वरमार्तिहरम्|
हरिकेशममोघकरं सदयं
परिरञ्जितभक्तहृदम्बुरुहम्|
सुरदैत्यनतं मुनिराजनुतं
भज रे बृहदीश्वरमार्तिहरम्|
त्रिपुरान्तकरूपिणमुग्रतनुं
महनीयमनोगतदिव्यतमम्|
जगदीश्वरमागमसारभवं
भज रे बृहदीश्वरमार्तिहरम्|
ललितांबा स्तोत्र
सहस्रनामसन्तुष्टां देविकां त्रिशतीप्रियाम्| शतनामस्त....
Click here to know more..एकदंत शरणागति स्तोत्र
सदात्मरूपं सकलादि- भूतममायिनं सोऽहमचिन्त्यबोधम्। अनाद....
Click here to know more..शुकदेव और राजा जनक के बीच संवाद