भानुसमानसुभास्वरलिङ्गं सज्जनमानसभास्करलिङ्गम्|
सुरवरदातृसुरेश्वरलिङ्गं तत् प्रणमामि रसेश्वरलिङ्गम्|
छत्रपतीन्द्रसुपूजितलिङ्गं रौप्यफणीन्द्रविभूषितलिङ्गम्|
ग्राम्यजनाश्रितपोषकलिङ्गं तत् प्रणमामि रसेश्वरलिङ्गम्|
बिल्वतरुच्छदनप्रियलिङ्गं किल्बिषदुष्फलदाहकलिङ्गम्|
सेवितकष्टविनाशनलिङ्गं तत् प्रणमामि रसेश्वरलिङ्गम्|
अब्जभगाग्निसुलोचनलिङ्गं शब्दसमुद्भवहेतुकलिङ्गम्|
पार्वतिजाह्नविसंयुतलिङ्गं तत् प्रणमामि रसेश्वरलिङ्गम्|
गन्धितचन्दनचर्चितलिङ्गं वन्दितपादसरोरुहलिङ्गम्|
स्कन्दगणेश्वरभावितलिङ्गं तत् प्रणमामि रसेश्वरलिङ्गम्|
पामरमानवमोचकलिङ्गं सकलचराचरपालकलिङ्गम्|
वाजिजचामरवीजितलिङ्गं तत् प्रणमामि रसेश्वरलिङ्गम्|
स्तोत्रमिदं प्रणिपत्य रसेशं यः पठति प्रतिघस्रमजस्रम्|
सो मनुजः शिवभक्तिमवाप्य ब्रह्मपदं लभतेऽप्यपवर्गम्|
शरवनभव स्तोत्र
शक्तिस्वरूपाय शरोद्भवाय शक्रार्चितायाथ शचीस्तुताय। श....
Click here to know more..दुर्गा पंचरत्न स्तोत्र
ते ध्यानयोगानुगताः अपश्यन् त्वामेव देवीं स्वगुणैर्निग....
Click here to know more..मनोकामना पूर्ति के लिए दत्तात्रेय मंत्र
आं ह्रीं क्रों द्राम् एहि दत्तात्रेयाय स्वाहा....
Click here to know more..