प्रातः स्मरामि रमया सह वेङ्कटेशं
मन्दस्मितं मुखसरोरुहकान्तिरम्यम् ।
माणिक्यकान्तिविलसन्मुकुटोर्ध्वपुण्ड्रं
पद्माक्षलक्षमणिकुण्डलमण्डिताङ्गम् ॥
प्रातर्भजामि कररम्यसुशङ्खचक्रं
भक्ताभयप्रदकटिस्थलदत्तपाणिम् ।
श्रीवत्सकौस्तुभलसन्मणिकाञ्चनाढ्यं
पीताम्बरं मदनकोटिसुमोहनाङ्गम् ॥
प्रातर्नमामि परमात्मपदारविन्दं
आनन्दसान्द्रनिलयं मणिनूपुराढ्यम् ।
एतत् समस्तजगतामपि दर्शयन्तं
वैकुण्ठमत्र भजतां करपल्लवेन ॥
व्यासराजयतिप्रोक्तं श्लोकत्रयमिदं शुभम् ।
प्रातःकाले पठेद्यस्तु पापेभ्यो मुच्यते नरः ॥
सप्तशती सार दुर्गा स्तोत्र
यस्या दक्षिणभागके दशभुजा काली कराला स्थिता यद्वामे च सर....
Click here to know more..नक्षत्र शांतिकर स्तोत्र
कृत्तिका परमा देवी रोहिणी रुचिरानना। श्रीमान् मृगशिरा ....
Click here to know more..श्रद्धा क्या है अन्ध श्रद्धा क्या है?
श्रद्धा के महत्व के बारे में विस्तार से जानिए और अन्ध श्र....
Click here to know more..