कृता नैव पूजा मया भक्त्यभावात्
प्रभो मन्दिरं नैव दृष्टं तवैकम्|
क्षमाशील कारुण्यपूर्ण प्रसीद
समस्तापराधं क्षमस्वैकदन्त|
न पाद्यं प्रदत्तं न चार्घ्यं प्रदत्तं
न वा पुष्पमेकं फलं नैव दत्तम्|
गजेशान शम्भोस्तनूज प्रसीद
समस्तापराधं क्षमस्वैकदन्त|
न वा मोदकं लड्डुकं पायसं वा
न शुद्धोदकं तेऽर्पितं जातु भक्त्या|
सुर त्वं पराशक्तिपुत्र प्रसीद
समस्तापराधं क्षमस्वैकदन्त|
न यागः कृतो नोपवासश्चतुर्थ्यां
न वा तर्पनार्थं जलं चार्पितं ते|
विभो शाश्वत श्रेष्ठदेव प्रसीद
समस्तापराधं क्षमस्वैकदन्त|
प्रसीद प्रसीद प्रभो विघ्नराज
प्रसीद प्रसीद प्रभो लोकनाथ|
प्रसीद प्रसीद प्रभो देवमुख्य
समस्तापराधं क्षमस्वैकदन्त|
सुब्रह्मण्य अष्टक स्तोत्र
हे स्वामिनाथ करुणाकर दीनबन्धो श्रीपार्वतीशमुखपङ्कजपद....
Click here to know more..महाविष्णु स्तुति
नमस्तुभ्यं भगवते वासुदेवाय धीमहि| प्रद्युम्नायानिरुद्....
Click here to know more..पुस्तकस्था तु या विद्या
जो विद्या सिर्फ पुस्तक में हो, और हमारे दिमाग मे हो और जो ख....
Click here to know more..