शुचिव्रतं दिनकरकोटिविग्रहं
बलन्धरं जितदनुजं रतप्रियम्।
उमासुतं प्रियवरदं सुशङ्करं
नमाम्यहं विबुधवरं गणेश्वरम्।
वनेचरं वरनगजासुतं सुरं
कवीश्वरं नुतिविनुतं यशस्करम्।
मनोहरं मणिमकुटैकभूषणं
नमाम्यहं विबुधवरं गणेश्वरम्।
तमोहरं पितृसदृशं गणाधिपं
स्मृतौ गतं श्रुतिरसमेककामदम्।
स्मरोपमं शुभफलदं दयाकरं
नमाम्यहं विबुधवरं गणेश्वरम्।
जगत्पतिं प्रणवभवं प्रभाकरं
जटाधरं जयधनदं क्रतुप्रियं
नमाम्यहं विबुधवरं गणेश्वरम्।
धुरन्धरं दिविजतनुं जनाधिपं
गजाननं मुदितहृदं मुदाकरम्।
शुचिस्मितं वरदकरं विनायकं
नमाम्यहं विबुधवरं गणेश्वरम्।
गिरीश स्तुति
शिवशर्वमपार- कृपाजलधिं श्रुतिगम्यमुमादयितं मुदितम्। स....
Click here to know more..रामचन्द्राय जनकराजजामनोहराय
रामचन्द्राय जनकराजजामनोहराय मामकाभीष्टदाय महितमङ्गल....
Click here to know more..क्या बटवारा करना पारिवारिक समस्याओं का समाधान हो सकता है?
महाभारत की इस कहानी से जानिए बटवारे के बाद परिवारों में क....
Click here to know more..