అసితం వనమాలినం హరిం
ధృతగోవర్ధనముత్తమోత్తమం.
వరదం కరుణాలయం సదా
వ్రజగోపీరమణం భజామ్యహం.
పృథివీపతిమవ్యయం మహా-
బలమగ్ర్యం నియతం రమాపతిం.
దనుజాంతకమక్షయం భృశం
వ్రజగోపీరమణం భజామ్యహం.
సదయం మధుకైటభాంతకం
చరితాశేషతపఃఫలం ప్రభుం.
అభయప్రదమాదిజం ముదా
వ్రజగోపీరమణం భజామ్యహం.
మహనీయమభద్రనాశకం
నతశోకార్త్తిహరం యశస్కరం.
మురశత్రుమభీష్టదం హృదా
వ్రజగోపీరమణం భజామ్యహం.
అమరేంద్రవిభుం నిరామయం
రమణీయాంబుజలోచనం చిరం.
మునిభిః సతతం నతం పురా
వ్రజగోపీరమణం భజామ్యహం.
నిగమాగమశాస్త్రవేదితం
కలికాలే భవతారణం సురం
విధిశంభునమస్కృతం ముహు-
ర్వ్రజగోపీరమణం భజామ్యహం.