కృష్ణ కమలాక్ష పాట

కృష్ణ కమలాక్ష కలయే త్వాం కమలేశ
తృష్ణారహితాప్తతాపసవృందమానసనివేశ
కృష్ణ సంరక్షకాక్షయప్రేమభరితమృదుభాష
వృష్ణివంశవరభూష వరదాయక నరవరవేష

బాల వనమాలాధర రాసనర్తనవిలోల
వరకుచేలాదిపరిపాల కరుణాలవాల జయశీల
అలినీలాలకనీలాబ్జనిభనలినపాదయుగల
ఘోరకలికాలాంతక కాలారిహిత కల్యాణసుగుణజాల

ధీర యదువీర దురితాపహరణగంభీర
దధిచోర చిదాకార సచ్చరితజనహృదాగార
శ్రుతిసార రసాధార సంసారభయహరణ శూర
నిర్వికార నిరాకార నిర్వాణసుఖద సుకుమార

నందాత్మజాఖండాత్మసుఖదాయకాద్యంతరహిత
విధినందీశగమనాదిసురగణవందిత త్రిగుణాతీత
రమ్యవృందావనసంచార రాకేందుముఖ మదనతాత
గోవిందానందకందానంతశయన భవజలధిపోత

పూతాత్మక పుణ్యఫలప్రద పూతనాదిసంహరణ
భక్తవాతాత్మజవినతాసుతపూజితపావనచరణ
దివ్యగీతాచార్య గురుపవనపురాధీశ లోకైకశరణ
సంగీతాద్యఖిలకలాభిజ్ఞ పరమానంద నారాయణ

శ్రీకృష్ణ కమలాక్ష కలయే త్వాం కమలేశ

Ramaswamy Sastry and Vighnesh Ghanapaathi

Other stotras