రాధాకృష్ణ యుగలాష్టక స్తోత్రం

వృందావనవిహారాఢ్యౌ సచ్చిదానందవిగ్రహౌ .
మణిమండపమధ్యస్థౌ రాధాకృష్ణౌ నమామ్యహం ..1..

పీతనీలపటౌ శాంతౌ శ్యామగౌరకలేవరౌ .
సదా రాసరతౌ సత్యౌ రాధాకృష్ణౌ నమామ్యహం ..2..

భావావిష్టౌ సదా రమ్యౌ రాసచాతుర్యపండితౌ .
మురలీగానతత్త్వజ్ఞౌ రాధాకృష్ణౌ నమామ్యహం ..3..

యమునోపవనావాసౌ కదంబవనమందిరౌ .
కల్పద్రుమవనాధీశౌ రాధాకృష్ణౌ నమామ్యహం ..4..

యమునాస్నానసుభగౌ గోవర్ధనవిలాసినౌ .
దివ్యమందారమాలాఢ్యౌ రాధాకృష్ణౌ నమామ్యహం ..5..

మంజీరరంజితపదౌ నాసాగ్రగజమౌక్తికౌ .
మధురస్మేరసుముఖౌ రాధాకృష్ణౌ నమామ్యహం ..6..

అనంతకోటిబ్రహ్మాండే సృష్టిస్థిత్యంతకారిణౌ .
మోహనౌ సర్వలోకానాం రాధాకృష్ణౌ నమామ్యహం ..7..

పరస్పరసమావిష్టౌ పరస్పరగణప్రియౌ .
రససాగరసంపన్నౌ రాధాకృష్ణౌ నమామ్యహం ..8..

Ramaswamy Sastry and Vighnesh Ghanapaathi

Other stotras