सरोजनेत्राय कृपायुताय मन्दारमालापरिभूषिताय।
उदारहासाय ससन्मुखाय नमोऽस्तु गोपीजनवल्लभाय।
आनन्दनन्दादिकदायकाय बकीबकप्राणविनाशकाय।
मृगेन्द्रहस्ताग्रजभूषणाय नमोऽस्तु गोपीजनवल्लभाय।
गोपाललीलाकृतकौतुकाय गोपालकाजीवनजीवनाय।
भक्तैकगम्याय नवप्रियाय नमोऽस्तु गोपीजनवल्लभाय।
मन्थानभाण्डाखिलभञ्जनाय हैयङ्गवीनाशनरञ्जनाय।
गोस्वादुदुग्धामृतपोषिताय नमोऽस्तु गोपीजनवल्लभाय।
कलिन्दजाकूलकुतूहलाय किशोररूपाय मनोहराय।
पिशङ्गवस्त्राय नरोत्तमाय नमोऽस्तु गोपीजनवल्लभाय।
धराधराभाय धराधराय शृङ्गारहारावलिशोभिताय।
समस्तगर्गोक्तिसुलक्षणाय नमोऽस्तु गोपीजनवल्लभाय।
इभेन्द्रकुम्भस्थलखण्डनाय विदेशवृन्दावनमण्डनाय।
हंसाय कंसासुरमर्दनाय नमोऽस्तु गोपीजनवल्लभाय।
श्रीदेवकीसूनुविमोक्षणाय क्षत्तोद्धवाक्रूरवरप्रदाय।
गदारिशङ्खाब्जचतुर्भुजाय नमोऽस्तु गोपीजनवल्लभाय।
रसेश्वर स्तुति
भानुसमानसुभास्वरलिङ्गं सज्जनमानसभास्करलिङ्गम्| सुरवर....
Click here to know more..गणेश षोडश नाम स्तोत्र
सुमुखश्चैकदन्तश्च कपिलो गजकर्णकः। लम्बोदरश्च विकटो वि....
Click here to know more..महाकाल मंत्र
ह्रूं ह्रूं महाकाल प्रसीद प्रसीद ह्रीं ह्रीं स्वाहा ....
Click here to know more..