नन्दगोपभूपवंशभूषणं विभूषणं
भूमिभूतिभुरि- भाग्यभाजनं भयापहम्।
धेनुधर्मरक्षणाव- तीर्णपूर्णविग्रहं
नीलवारिवाह- कान्तिगोकुलेशमाश्रये।
गोपबालसुन्दरी- गणावृतं कलानिधिं
रासमण्डलीविहार- कारिकामसुन्दरम्।
पद्मयोनिशङ्करादि- देववृन्दवन्दितं
नीलवारिवाह- कान्तिगोकुलेशमाश्रये।
गोपराजरत्नराजि- मन्दिरानुरिङ्गणं
गोपबालबालिका- कलानुरुद्धगायनम्।
सुन्दरीमनोजभाव- भाजनाम्बुजाननं
नीलवारिवाह- कान्तिगोकुलेशमाश्रये।
इन्द्रसृष्टवृष्टिवारि- वारणोद्धृताचलं
कंसकेशिकुञ्जराज- दुष्टदैत्यदारणम्।
कामधेनुकारिताभि- धानगानशोभितं
नीलवारिवाह- कान्तिगोकुलेशमाश्रये।
गोपिकागृहान्तगुप्त- गव्यचौर्यचञ्चलं
दुग्धभाण्डभेदभीत- लज्जितास्यपङ्कजम्।
धेनुधूलिधूसराङ्ग- शोभिहारनूपुरं
नीलवारिवाह- कान्तिगोकुलेशमाश्रये।
वत्सधेनुगोपबाल- भीषणोत्थवह्निपं
केकिपिच्छकल्पितावतंस- शोभिताननम्।
वेणुवाद्यमत्तधोष- सुन्दरीमनोहरं
नीलवारिवाह- कान्तिगोकुलेशमाश्रये।
गर्वितामरेन्द्रकल्प- कल्पितान्नभोजनं
शारदारविन्दवृन्द- शोभिहंसजारतम्।
दिव्यगन्धलुब्ध- भृङ्गपारिजातमालिनं
नीलवारिवाह- कान्तिगोकुलेशमाश्रये।
वासरावसानगोष्ठ- गामिगोगणानुगं
धेनुदोहदेहगेहमोह- विस्मयक्रियम्।
स्वीयगोकुलेशदान- दत्तभक्तरक्षणं
नीलवारिवाह- कान्तिगोकुलेशमाश्रये।
बटुक भैरव अष्टोत्तर शतनामावली
ॐ भैरवाय नमः। ॐ भूतनाथाय नमः। ॐ भूतात्मने नमः। ॐ भूतभावन....
Click here to know more..सुंदरेश्वर स्तोत्र
श्रीपाण्ड्यवंशमहितं शिवराजराजं भक्तैकचित्तरजनं करुणा....
Click here to know more..बाधाओं को दूर करने का मंत्र
तत्पुरुषाय विद्महे वक्रतुण्डाय धीमहि तन्नो दन्तिः प्रच....
Click here to know more..