ഗോപീനായക അഷ്ടക സ്തോത്രം
സരോജനേത്രായ കൃപായുതായ മന്ദാരമാലാപരിഭൂഷിതായ.
ഉദാരഹാസായ സസന്മുഖായ നമോഽസ്തു ഗോപീജനവല്ലഭായ.
ആനന്ദനന്ദാദികദായകായ ബകീബകപ്രാണവിനാശകായ.
മൃഗേന്ദ്രഹസ്താഗ്രജഭൂഷണായ നമോഽസ്തു ഗോപീജനവല്ലഭായ.
ഗോപാലലീലാകൃതകൗതുകായ ഗോപാലകാജീവനജീവനായ.
ഭക്തൈകഗമ്യായ നവപ്രിയായ നമോഽസ്തു ഗോപീജനവല്ലഭായ.
മന്ഥാനഭാണ്ഡാഖിലഭഞ്ജനായ ഹൈയംഗവീനാശനരഞ്ജനായ.
ഗോസ്വാദുദുഗ്ധാമൃതപോഷിതായ നമോഽസ്തു ഗോപീജനവല്ലഭായ.
കലിന്ദജാകൂലകുതൂഹലായ കിശോരരൂപായ മനോഹരായ.
പിശംഗവസ്ത്രായ നരോത്തമായ നമോഽസ്തു ഗോപീജനവല്ലഭായ.
ധരാധരാഭായ ധരാധരായ ശൃംഗാരഹാരാവലിശോഭിതായ.
സമസ്തഗർഗോക്തിസുലക്ഷണായ നമോഽസ്തു ഗോപീജനവല്ലഭായ.
ഇഭേന്ദ്രകുംഭസ്ഥലഖണ്ഡനായ വിദേശവൃന്ദാവനമണ്ഡനായ.
ഹംസായ കംസാസുരമർദനായ നമോഽസ്തു ഗോപീജനവല്ലഭായ.
ശ്രീദേവകീസൂനുവിമോക്ഷണായ ക്ഷത്തോദ്ധവാക്രൂരവരപ്രദായ.
ഗദാരിശംഖാബ്ജചതുർഭുജായ നമോഽസ്തു ഗോപീജനവല്ലഭായ.
Comments
Recommended for you
രാമാനുജ സ്തോത്രം
പാഷണ്ഡദ്രുമഷണ്ഡദാവ- ദഹനശ്ചാർവാകശൈലാശനി- ര്ബൗദ്ധധ്വാന....
Click here to know more..വീരഭദ്ര ഭുജംഗ സ്തോത്രം
ഗുണാദോഷഭദ്രം സദാ വീരഭദ്രം മുദാ ഭദ്രകാല്യാ സമാശ്ലിഷ്ടമ....
Click here to know more..സന്തോഷത്തിനുള്ള മന്ത്രം
സന്ത്വാ സിഞ്ചാമി യജുഷാ പ്രജാമായുർധനഞ്ച. രോചനോ രോചമാനഃ ....
Click here to know more..
