ഭഗവാന്മാരിൽ ആരാണ് ശ്രേഷ്ഠൻ?

ഒരിക്കൽ ചില പണ്ഡിതന്മാർ പരസ്പരം വാദിക്കുകയായിരുന്നു. ഒരാൾ പറഞ്ഞു, ‘വിഷ്ണു ശിവനെക്കാൾ മഹാനാണ് !’ മറ്റൊരാൾ എതിർത്തു, ‘ഇല്ല, ശിവനാണ് മഹാൻ !’ മൂന്നാമനൊരാൾ അട്ടഹസിച്ചു, ‘ദുർഗാദേവിയാണ് ഏറ്റവും വലുത് !’ അവർ തങ്ങളുടെ വാദം ‘തെളിയിക്കാൻ ഗ്രന്ഥങ്ങൾ ഉദ്ധരിച്ചു.

ഒരു ജ്ഞാനി അതിലൂടെ കടന്നുപോവുകയായിരുന്നു. അവർ അദ്ദേഹത്തോട് തങ്ങളുടെ ചർച്ചയിൽ പങ്കുചേരാൻ ആവശ്യപ്പെട്ടു. അദ്ദേഹം നിശ്ശബ്ദമായി എല്ലാം കേട്ടു. ഒടുവിൽ, അവർ അദ്ദേഹത്തിന്‍റെ അഭിപ്രായം ചോദിച്ചു. അദ്ദേഹം വിഷ്ണുവിനെ പിന്തുണച്ചയാളോട് ചോദിച്ചു, ‘നിങ്ങൾ എപ്പോഴെങ്കിലും വിഷ്ണുവിനെ കണ്ടിട്ടുണ്ടോ?’ അയാൾ ‘ഇല്ല’ എന്ന് മറുപടി പറഞ്ഞു. അദ്ദേഹം ശിവഭക്തനോട് ചോദിച്ചു, ‘നിങ്ങൾ  ശിവനെ കണ്ടിട്ടുണ്ടോ?’ അയാളും ‘ഇല്ല’ എന്ന് പറഞ്ഞു.

ജ്ഞാനി പറഞ്ഞു, ‘നിങ്ങൾ അനുഭവിച്ചിട്ടില്ലാത്ത കാര്യങ്ങളെക്കുറിച്ച് എന്തിനാണ് വാദിക്കുന്നത്? ഇതെല്ലം വ്യർത്ഥമാണ്. നിങ്ങൾക്ക് സത്യം കണ്ടെത്തുന്നതിലല്ല, സ്വന്തം ജ്ഞാനം പ്രദർശിപ്പിക്കുന്നതിലാണ് താത്പര്യം.

‘നിങ്ങളുടെ അഹങ്കാരത്തെയാണ് നിങ്ങൾസംരക്ഷിക്കുന്നത്, ദൈവത്തെയല്ല. ശിവന്‍റെ മാഹാത്മ്യമോ വിഷ്ണുവിന്‍റെ മാഹാത്മ്യമോ നിങ്ങളുടെ പിന്തുണയെ ആശ്രയിച്ചല്ല ഇരിക്കുന്നത്.

അദ്ദേഹം പറഞ്ഞു, ‘ഇത്തരം വാദങ്ങളിൽ ഏർപ്പെട്ട് വൃഥാ സമയം കളയരുത്. അവ നിങ്ങളുടെ മനസ്സിനെ ദുഷിപ്പിക്കും. ആത്മീയതയിൽ സത്യത്തിൽ താത്പര്യമുണ്ടെങ്കിൽ, ഈ വാദപ്രതിവാദങ്ങളിൽ ഏർപ്പെടാതിരിക്കുക. ഗൗരവമുള്ള കാര്യങ്ങളിൽ ശ്രദ്ധ കേന്ദ്രീകരിക്കുക.’

ഇതാണ് സത്യം: കൃഷ്ണൻ, ശിവൻ, ദുർഗ - ഇവയെല്ലാം പേരുകൾ മാത്രമാണ്. അവയെല്ലാം ഒരേ ദിവ്യ സത്യത്തിലേക്ക് വിരൽ ചൂണ്ടുന്നു. വാദങ്ങളിൽ ജയിക്കുകയല്ല, ആ സത്യം തേടുകയാണ് വേണ്ടത്.

Ramaswamy Sastry and Vighnesh Ghanapaathi