ഒരു രാജ്ഞി നഷ്ടപ്പെട്ട ബഹുമാനം വീണ്ടെടുക്കുന്നു

മാളവ രാജ്യത്തിലെ മഹാരാജാവ് ചന്ദ്രസേനന്‍റെ രാജ്ഞി സുനിത ദുഃഖിതയായിരുന്നു. അവർക്ക് കുട്ടികൾ ഉണ്ടായിരുന്നില്ല. ഇത് അവരുടെ ജീവിതം ബുദ്ധിമുട്ടിലാക്കി. രാജാവ് മറ്റൊരു വിവാഹം കഴിച്ചു, മദനാവതിയെ. മദനാവതിക്ക് സുനിതയോട് അസൂയയായിരുന്നു. അവൾ സുനിതയോട് മോശമായി പെരുമാറുകയും കുട്ടികളില്ലാത്തതിന് അവഹേളിക്കുകയും ചെയ്തു. കാലക്രമേണ, സുനിത കൊട്ടാരം വിടാൻ നിർബന്ധിതയായി.

കൊട്ടാരം വിട്ട സുനിത ഒറ്റയ്ക്ക് അവിടെയുമിവിടെയും അലഞ്ഞുതിരിഞ്ഞു.. അവർക്ക് തന്‍റെ വീട്, ആദരവ്,  സ്ഥാനം എല്ലാം തന്നെ നഷ്ടപ്പെട്ടിരുന്നു. ഒരു ദിവസം, ഒരു നദിയുടെ തീരത്തിലൂടെ നടക്കുമ്പോൾ, അവർ ഒരു  പൂജ നടക്കുന്നത് കണ്ടു. ഒട്ടനവധി പേർ ചേർന്ന് ഗണപതി ഭഗവാനെ പൂജിക്കുകയായിരുന്നു

അവിടെ ഒരു മുനിയുമുണ്ടായിരുന്നു. അദ്ദേഹം ദുഃഖിതയായി സുനിത ഒറ്റയ്ക്ക് നിൽക്കുന്നത് കണ്ടു. അദ്ദേഹം സുനിതയോട് ചോദിച്ചു,  ‘മകളേ , എന്തുകൊണ്ടാണ് നീ ഇങ്ങനെ ദുഃഖിതയായിരിക്കുന്നത് ?’  സുനിതയുടെ കണ്ണുകളിൽ കണ്ണുനീർ നിറഞ്ഞു. അവർ തന്‍റെ കഷ്ടപ്പാടുകളെക്കുറിച്ച് മുനിയോട് പറഞ്ഞു.

അദ്ദേഹം കരുണയോടെ എല്ലാം കേട്ടു. പിന്നീട് അദ്ദേഹം പറഞ്ഞു, ‘ആശ കൈവിടരുത്. ഗണപതി ഭഗവാൻ  എല്ലാ പ്രശ്നങ്ങളും പരിഹരിക്കും.. വിശ്വാസത്തോടെ അദ്ദേഹത്തെ ആരാധിക്കുക. ഭഗവാൻ വിജയവും സന്തോഷവും നൽകുന്നവനാണ്. അദ്ദേഹം നിന്‍റെ വേദനയെല്ലാം നീക്കും.

സുനിതയ്ക്ക് പ്രത്യാശ ഉണ്ടായി. അവർ  മുനിയുടെ ഉപദേശം അനുസരിക്കാൻ തീരുമാനിച്ചു. ഭക്തിയോടെ ഉപവാസം അനുഷ്ഠിച്ചു, ഗണപതി ഭഗവാനെ പൂജിച്ചു ശുദ്ധഹൃദയത്തോടെ പ്രാർത്ഥിച്ചു. ദിവസങ്ങൾ കടന്നുപോയി, അവരുടെ പ്രാർത്ഥന ഫലം നൽകി.

താമസിയാതെ സുനിതയ്ക്ക് കുട്ടികൾ ഇല്ലാത്തത് അവരുടെ തെറ്റല്ലെന്ന് രാജാവ് മനസ്സിലാക്കി. അദ്ദേഹം സുനിതയെ കൊട്ടാരത്തിലേക്ക് തിരികെ ക്ഷണിച്ചു. അദ്ദേഹം ഗണപതി ഭഗവാനുവേണ്ടി ഒരു പൂജ അയോജനം ചെയ്തിരുന്നു.പൂജയ്ക്ക് മദനാവതിയെയും ക്ഷണിച്ചിരുന്നു, പക്ഷേ അവൾ പങ്കെടുത്തില്ല.അവളുടെ ഹൃദയത്തിൽ അപ്പോഴും സുനിതയോട് അസൂയ ഉണ്ടായിരുന്നു.

പൂജയുടെ സമയത്ത് രാജാവ് എല്ലാവരുടേയും  മുമ്പിൽ വെച്ച്  സുനിതയോട് സ്നേഹത്തോടും ആദരവോടും കൂടെ പെരുമാറി. താമസിയാതെ, അവർ ഗർഭം ധരിച്ചു. സുനിത തന്‍റെ ബഹുമാനം, സ്ഥാനം, സന്തോഷം എല്ലാം തന്നെ തിരികെ നേടി.

എന്നാൽ മദനാവതി ദുഃഖിതയായി. രാജാവിന്‍റെ ഹൃദയത്തിൽ അവളുടെ സ്ഥാനം നഷ്ടപ്പെട്ടിരുന്നു. അവൾ തന്‍റെ തെറ്റുകൾ മനസ്സിലാക്കി, പശ്ചാത്തപിച്ചു.. അവൾ സുനിതയുടെ അടുത്ത് പോയി തന്‍റെ തെറ്റുകൾ ഏറ്റുപറഞ്ഞു.സുനിതയ്ക്ക് അവളോട് ഒരു ദേഷ്യവുമില്ലായിരുന്നു. അവർ മദനാവതിയോട് ഗണപതി ഭഗവാനെ  ആരാധിക്കാൻ പറഞ്ഞു.

മദനാവതിയും ഗണപതി ഭഗവാനെ പൂജിക്കാൻ തുടങ്ങി. കാലക്രമേണ, അവളുടെ ഹൃദയത്തിൽ സമാധാനം തിരികെ വന്നു. സുനിതയും മദനാവതിയും ഐക്യത്തോടെ ജീവിക്കാൻ തുടങ്ങി.

ഈ കഥ ഭഗവാൻ ഗണേശന്‍റെ മഹത്വത്തെക്കുറിച്ചും ഭക്തി ജീവിതത്തെ എങ്ങനെ മാറ്റുന്നുവെന്നും പഠിപ്പിക്കുന്നു.

Ramaswamy Sastry and Vighnesh Ghanapaathi