വിഘ്നേശ വിഘ്നചയഖണ്ഡനനാമധേയ
ശ്രീശങ്കരാത്മജ സുരാധിപവന്ദ്യപാദ।
ദുർഗാമഹാവ്രതഫലാഖില-
മംഗലാത്മൻ
വിഘ്നം മമാപഹര സിദ്ധിവിനായക ത്വം।
സത്പദ്മരാഗമണി-
വർണശരീരകാന്തിഃ
ശ്രീസിദ്ധിബുദ്ധി-
പരിചർചിതകുങ്കുമശ്രീഃ।
ദക്ഷസ്തനേ വലിയിതാതിമനോജ്ഞശുണ്ഡോ
വിഘ്നം മമാപഹര സിദ്ധിവിനായക ത്വം।
പാശാങ്കുശാബ്ജപരശൂംശ്ച ദധച്ചതുർഭിര്ദോര്ഭിശ്ച
ശോണകുസുമ-
സ്രഗുമാംഗജാതഃ।
സിന്ദൂരശോഭിതലലാട-
വിധുപ്രകാശോ
വിഘ്നം മമാപഹര സിദ്ധിവിനായക ത്വം।
കാര്യേഷു വിഘ്നചയഭീതവിരിഞ്ചിമുഖ്യൈഃ
സമ്പൂജിതഃ സുരവരൈരപി മോഹകാദ്യൈഃ।
സർവേഷു ച പ്രഥമമേവ സുരേഷു പൂജ്യോ
വിഘ്നം മമാപഹര സിദ്ധിവിനായക ത്വം।
ശീഘ്രാഞ്ചനസ്ഖല-
നതുംഗരവോർധ്വകണ്ഠ-
സ്ഥൂലേന്ദുരുദ്രഗ-
ണഹാസിതദേവസംഘഃ।
ശൂർപശ്രുതിശ്ച പൃഥുവർത്തുലതുംഗതുന്ദോ
വിഘ്നം മമാപഹര സിദ്ധിവിനായക ത്വം।
യജ്ഞോപവീതപ-
ദലംഭിതനാഗരാജോ
മാസാദിപുണ്യദ-
ദൃശീകൃത-ഋക്ഷരാജഃ।
ഭക്താഭയപ്രദ ദയാലയ വിഘ്നരാജ
വിഘ്നം മമാപഹര സിദ്ധിവിനായക ത്വം।
സദ്രത്നസാരതതി-
രാജിതസത്കിരീടഃ
കൗസുംഭചാരുവ-
സനദ്വയ ഊർജിതശ്രീഃ।
സർവത്ര മംഗലകരസ്മരണപ്രതാപോ
വിഘ്നം മമാപഹര സിദ്ധിവിനായക ത്വം।
ദേവാന്തകാദ്യസുര-
ഭീതസുരാർതിഹർതാ
വിജ്ഞാനബോധനവരേണ തമോഽപഹർതാ।
ആനന്ദിതത്രിഭുവനേശ കുമാരബന്ധോ
വിഘ്നം മമാപഹര സിദ്ധിവിനായക ത്വം।
ഗണപ സ്തവം
പാശാങ്കുശാഭയവരാൻ ദധാനം കഞ്ജഹസ്തയാ. പത്ന്യാശ്ലിഷ്ടം രക....
Click here to know more..സരസ്വതീ അഷ്ടക സ്തോത്രം
അമലാ വിശ്വവന്ദ്യാ സാ കമലാകരമാലിനീ. വിമലാഭ്രനിഭാ വോഽവ്യ....
Click here to know more..കണി കാണും നേരം
കണികാണും നേരം കമലാനേത്രന്റെ നിറമേറും മഞ്ഞത്തുകിൽ ചാർ....
Click here to know more..