രക്താംഗം രക്തവസ്ത്രം സിതകുസുമഗണൈഃ പൂജിതം രക്തഗന്ധൈഃ
ക്ഷീരാബ്ധൗ രത്നപീഠേ സുരതരുവിമലേ രത്നസിംഹാസനസ്ഥം.
ദോർഭിഃ പാശാങ്കുശേഷ്ടാ- ഭയധരമതുലം ചന്ദ്രമൗലിം ത്രിണേത്രം
ധ്യായേ്ഛാന്ത്യർഥമീശം ഗണപതിമമലം ശ്രീസമേതം പ്രസന്നം.
സ്മരാമി ദേവദേവേശം വക്രതുണ്ഡം മഹാബലം.
ഷഡക്ഷരം കൃപാസിന്ധും നമാമി ഋണമുക്തയേ.
ഏകാക്ഷരം ഹ്യേകദന്തമേകം ബ്രഹ്മ സനാതനം.
ഏകമേവാദ്വിതീയം ച നമാമി ഋണമുക്തയേ.
മഹാഗണപതിം ദേവം മഹാസത്ത്വം മഹാബലം.
മഹാവിഘ്നഹരം ശംഭോർനമാമി ഋണമുക്തയേ.
കൃഷ്ണാംബരം കൃഷ്ണവർണം കൃഷ്ണഗന്ധാനുലേപനം.
കൃഷ്ണസർപോപവീതം ച നമാമി ഋണമുക്തയേ.
രക്താംബരം രക്തവർണം രക്തഗന്ധാനുലേപനം.
രക്തപുഷ്പപ്രിയം ദേവം നമാമി ഋണമുക്തയേ.
പീതാംബരം പീതവർണം പീതഗന്ധാനുലേപനം .
പീതപുഷ്പപ്രിയം ദേവം നമാമി ഋണമുക്തയേ.
ധൂമ്രാംബരം ധൂമ്രവർണം ധൂമ്രഗന്ധാനുലേപനം .
ഹോമധൂമപ്രിയം ദേവം നമാമി ഋണമുക്തയേ.
ഫാലനേത്രം ഫാലചന്ദ്രം പാശാങ്കുശധരം വിഭും.
ചാമരാലങ്കൃതം ദേവം നമാമി ഋണമുക്തയേ.
ഇദം ത്വൃണഹരം സ്തോത്രം സന്ധ്യായാം യഃ പഠേന്നരഃ.
ഗണേശകൃപയാ ശീഘ്രമൃണമുക്തോ ഭവിഷ്യതി.
വേങ്കടേശ മംഗല അഷ്ടക സ്തോത്രം
ജംബൂദ്വീപഗശേഷശൈലഭുവനഃ ശ്രീജാനിരാദ്യാത്മജഃ താർക്ഷ്യാ....
Click here to know more..സൂര്യ അഷ്ടോത്തര ശതനാമാവലി
ആദിത്യായ നമഃ. സവിത്രേ നമഃ. സൂര്യായ നമഃ. ഖഗായ നമഃ. പൂഷ്ണേ ന....
Click here to know more..ആജ്ഞാപിക്കാനുള്ള ശക്തിക്കുള്ള മന്ത്രം
തത്പുരുഷായ വിദ്മഹേ സഹസ്രാക്ഷായ ധീമഹി തന്നഃ ശക്രഃ പ്രചോ....
Click here to know more..