ശ്രിയമനപായിനീം പ്രദിശതു ശ്രിതകല്പതരുഃ
ശിവതനയഃ ശിരോവിധൃതശീതമയൂഖശിശുഃ.
അവിരതകർണതാലജമരുദ്ഗമനാഗമനൈ-
രനഭിമതം ധുനോതി ച മുദം വിതനോതി ച യഃ.
സകലസുരാസുരാദിശരണീകരണീയപദഃ
കരടിമുഖഃ കരോതു കരുണാജലധിഃ കുശലം.
പ്രബലതരാന്തരായതിമിരൗഘനിരാകരണ-
പ്രസൃമരചന്ദ്രികായിതനിരന്തരദന്തരുചിഃ.
ദ്വിരദമുഖോ ധുനോതു ദുരിതാനി ദുരന്തമദ-
ത്രിദശവിരോധിയൂഥകുമുദാകരതിഗ്മകരഃ.
നതശതകോടിപാണിമകുടീതടവജ്രമണി-
പ്രചുരമരീചിവീചിഗുണിതാംഗ്രിനഖാംശുചയഃ.
കലുഷമപാകരോതു കൃപയാ കലഭേന്ദ്രമുഖഃ
കുലഗിരിനന്ദിനീകുതുകദോഹനസംഹനനഃ.
തുലിതസുധാഝരസ്വകരശീകരശീതലതാ-
ശമിതനതാശയജ്വലദശർമകൃശാനുശിഖഃ.
ഗജവദനോ ധിനോതു ധിയമാധിപയോധിവല-
ത്സുജനമനഃപ്ലവായിതപദാംബുരുഹോഽവിരതം.
കരടകടാഹനിർഗലദനർഗലദാനഝരീ-
പരിമലലോലുപഭ്രമദദഭ്രമദഭ്രമരഃ.
ദിശതു ശതക്രതുപ്രഭൃതിനിർജരതർജനകൃ-
ദ്ദിതിജചമൂചമൂരുമൃഗരാഡിഭരാജമുഖഃ.
പ്രമദമദക്ഷിണാംഘ്രിവിനിവേശിതജീവസമാ-
ഘനകുചകുംഭഗാഢപരിരംഭണകണ്ടകിതഃ.
അതുലബലോഽതിവേലമഘവന്മതിദർപഹരഃ
സ്ഫുരദഹിതാപകാരിമഹിമാ വപുഷീഢവിധുഃ.
ഹരതു വിനായകഃ സ വിനതാശയകൗതുകദഃ
കുടിലതരദ്വിജിഹ്വകുലകല്പിതഖേദഭരം.
നിജരദശൂലപാശനവശാലിശിരോരിഗദാ-
കുവലയമാതുലുംഗകമലേക്ഷുശരാസകരഃ.
ദധദഥ ശുണ്ഡയാ മണിഘടം ദയിതാസഹിതോ
വിതരതു വാഞ്ഛിതം ഝടിതി ശക്തിഗണാധിപതിഃ.
പഠതു ഗണാധിപാഷ്ടകമിദം സുജനോഽനുദിനം
കഠിനശുചാകുഠാവലികഠോരകുഠാരവരം.
വിമതപരാഭവോദ്ഭടനിദാഘനവീനഘനം
വിമലവചോവിലാസകമലാകരബാലരവിം.
ശാരദാ ഭുജംഗ സ്തോത്രം
സുവക്ഷോജകുംഭാം സുധാപൂർണകുംഭാം പ്രസാദാവലംബാം പ്രപുണ്യ....
Click here to know more..ചന്ദ്ര ഗ്രഹണ ദോഷ നിവാരണ സ്തോത്രം
യോഽസൗ വജ്രധരോ ദേവ ആദിത്യാനാം പ്രഭുർമതഃ. സഹസ്രനയനശ്ചന്ദ....
Click here to know more..ഏകദന്ത ഗണേശ മന്ത്രം
ഏകദന്തായ വിദ്മഹേ വക്രതുണ്ഡായ ധീമഹി തന്നോ ദന്തീ പ്രചോദയ....
Click here to know more..