പുരാണപുരുഷം ദേവം നാനാക്രീഡാകരം മുദാ.
മായാവിനം ദുർവിഭാഗ്യം മയൂരേശം നമാമ്യഹം.
പരാത്പരം ചിദാനന്ദം നിർവികാരം ഹൃദിസ്ഥിതം.
ഗുണാതീതം ഗുണമയം മയൂരേശം നമാമ്യഹം.
സൃജന്തം പാലയന്തം ച സംഹരന്തം നിജേച്ഛയാ.
സർവവിഘ്നഹരം ദേവം മയൂരേശം നമാമ്യഹം.
നാനാദൈത്യനിഹന്താരം നാനാരൂപാണി ബിഭ്രതം.
നാനായുധധരം ഭക്ത്യാ മയൂരേശം നമാമ്യഹം.
ഇന്ദ്രാദിദേവതാവൃന്ദൈര- ഭിഷ്ടതമഹർനിശം.
സദസദ്വക്തമവ്യക്തം മയൂരേശം നമാമ്യഹം.
സർവശക്തിമയം ദേവം സർവരൂപധരം വിഭും.
സർവവിദ്യാപ്രവക്താരം മയൂരേശം നമാമ്യഹം.
പാർവതീനന്ദനം ശംഭോരാനന്ദ- പരിവർധനം.
ഭക്താനന്ദകരം നിത്യം മയൂരേശം നമാമ്യഹം.
മുനിധ്യേയം മുനിനുതം മുനികാമപ്രപൂരകം.
സമഷ്ടിവ്യഷ്ടിരൂപം ത്വാം മയൂരേശം നമാമ്യഹം.
സർവജ്ഞാനനിഹന്താരം സർവജ്ഞാനകരം ശുചിം.
സത്യജ്ഞാനമയം സത്യം മയൂരേശം നമാമ്യഹം.
അനേകകോടി- ബ്രഹ്മാണ്ഡനായകം ജഗദീശ്വരം.
അനന്തവിഭവം വിഷ്ണും മയൂരേശം നമാമ്യഹം.
ഇദം ബ്രഹ്മകരം സ്തോത്രം സർവപാപപ്രനാശനം.
കാരാഗൃഹഗതാനാം ച മോചനം ദിനസപ്തകാത്.
ആധിവ്യാധിഹരം ചൈവ ഭുക്തിമുക്തിപ്രദം ശുഭം.
പാർവതീ പഞ്ചക സ്തോത്രം
വിനോദമോദമോദിതാ ദയോദയോജ്ജ്വലാന്തരാ നിശുംഭശുംഭദംഭദാരണ....
Click here to know more..ആദിത്യ ഹൃദയ സ്തോത്രം
അഥ ആദിത്യഹൃദയം തതോ യുദ്ധപരിശ്രാന്തം സമരേ ചിന്തയാ സ്ഥിത....
Click here to know more..സമ്പത്തിന് ലക്ഷ്മി മന്ത്രം
ശ്രീസാമായായാമാസാശ്രീ സാനോയാജ്ഞേജ്ഞേയാനോസാ . മായാളീളാ....
Click here to know more..