ഗജമുഖ സ്തുതി
വിചക്ഷണമപി ദ്വിഷാം ഭയകരം വിഭും ശങ്കരം
വിനീതമജമവ്യയം വിധിമധീതശാസ്ത്രാശയം.
വിഭാവസുമകിങ്കരം ജഗദധീശമാശാംബരം
ഗണപ്രമുഖമർചയേ ഗജമുഖം ജഗന്നായകം.
അനുത്തമമനാമയം പ്രഥിതസർവദേവാശ്രയം
വിവിക്തമജമക്ഷരം കലിനിബർഹണം കീർതിദം.
വിരാട്പുരുഷമക്ഷയം ഗുണനിധിം മൃഡാനീസുതം
ഗണപ്രമുഖമർചയേ ഗജമുഖം ജഗന്നായകം.
അലൗകികവരപ്രദം പരകൃപം ജനൈഃ സേവിതം
ഹിമാദ്രിതനയാപതിപ്രിയസുരോത്തമം പാവനം.
സദൈവ സുഖവർധകം സകലദുഃഖസന്താരകം
ഗണപ്രമുഖമർചയേ ഗജമുഖം ജഗന്നായകം.
കലാനിധിമനത്യയം മുനിഗതായനം സത്തമം
ശിവം ശ്രുതിരസം സദാ ശ്രവണകീർതനാത്സൗഖ്യദം.
സനാതനമജല്പനം സിതസുധാംശുഭാലം ഭൃശം
ഗണപ്രമുഖമർചയേ ഗജമുഖം ജഗന്നായകം.
ഗണാധിപതിസംസ്തുതിം നിരപരാം പഠേദ്യഃ പുമാൻ-
അനാരതമുദാകരം ഗജമുഖം സദാ സംസ്മരൻ.
ലഭേത സതതം കൃപാം മതിമപാരസനതാരിണീം
ജനോ ഹി നിയതം മനോഗതിമസാധ്യസംസാധിനീം.
Comments
Recommended for you
ഹയഗ്രീവ സ്തോത്രം
നമോഽസ്തു നീരായണമന്ദിരായ നമോഽസ്തു ഹാരായണകന്ധരായ. നമോഽസ....
Click here to know more..നവഗ്രഹ സുപ്രഭാത സ്തോത്രം
പൂർവാപരാദ്രിസഞ്ചാര ചരാചരവികാസക. ഉത്തിഷ്ഠ ലോകകല്യാണ സൂ....
Click here to know more..രക്ഷക്കായുള്ള നീലകണ്ഠമന്ത്രം
ഓം നമോ നീലകണ്ഠായ ത്രിനേത്രായ ച രംഹസേ. മഹാദേവായ തേ നിത്യം....
Click here to know more..
