విఘ్నేశ విఘ్నచయఖండననామధేయ
శ్రీశంకరాత్మజ సురాధిపవంద్యపాద।
దుర్గామహావ్రతఫలాఖిలమంగలాత్మన్
విఘ్నం మమాపహర సిద్ధివినాయక త్వం।
సత్పద్మరాగమణివర్ణశరీరకాంతిః
శ్రీసిద్ధిబుద్ధిపరిచర్చితకుంకుమశ్రీః।
దక్షస్తనే వలియితాతిమనోజ్ఞశుండో
విఘ్నం మమాపహర సిద్ధివినాయక త్వం।
పాశాంకుశాబ్జపరశూంశ్చ దధచ్చతుర్భి-
ర్దోర్భిశ్చ శోణకుసుమస్రగుమాంగజాతః।
సిందూరశోభితలలాటవిధుప్రకాశో
విఘ్నం మమాపహర సిద్ధివినాయక త్వం।
కార్యేషు విఘ్నచయభీతవిరించిముఖ్యైః
సంపూజితః సురవరైరపి మోహకాద్యైః।
సర్వేషు చ ప్రథమమేవ సురేషు పూజ్యో
విఘ్నం మమాపహర సిద్ధివినాయక త్వం।
శీఘ్రాంచనస్ఖలనతుంగరవోర్ధ్వకంఠ-
స్థూలేందురుద్రగణహాసితదేవసంఘః।
శూర్పశ్రుతిశ్చ పృథువర్త్తులతుంగతుందో
విఘ్నం మమాపహర సిద్ధివినాయక త్వం।
యజ్ఞోపవీతపదలంభితనాగరాజో
మాసాదిపుణ్యదదృశీకృత-ఋక్షరాజః।
భక్తాభయప్రద దయాలయ విఘ్నరాజ
విఘ్నం మమాపహర సిద్ధివినాయక త్వం।
సద్రత్నసారతతిరాజితసత్కిరీటః
కౌసుంభచారువసనద్వయ ఊర్జితశ్రీః।
సర్వత్ర మంగలకరస్మరణప్రతాపో
విఘ్నం మమాపహర సిద్ధివినాయక త్వం।
దేవాంతకాద్యసురభీతసురార్తిహర్తా
విజ్ఞానబోధనవరేణ తమోఽపహర్తా।
ఆనందితత్రిభువనేశ కుమారబంధో
విఘ్నం మమాపహర సిద్ధివినాయక త్వం।
వేంకటేశ ఋద్ధి స్తవం
శ్రీమన్వృషభశైలేశ వర్ధతాం విజయీ భవాన్. దివ్యం త్వదీయమైశ....
Click here to know more..రామ ప్రణామ స్తోత్రం
విశ్వేశమాదిత్యసమప్రకాశం పృషత్కచాపే కరయోర్దధానం. సదా హ....
Click here to know more..మీ పిల్లల రక్షణ కోసం శ్రీమద్ భాగవత మంత్రం
హృత్కేశవస్త్వదుర ఈశ ఇనస్తు కంఠం విష్ణుర్భుజం ముఖమురుక....
Click here to know more..