గజవదన గణేశ త్వం విభో విశ్వమూర్తే
హరసి సకలవిఘ్నాన్ విఘ్నరాజ ప్రజానాం .
భవతి జగతి పూజా పూర్వమేవ త్వదీయా
వరదవర కృపాలో చంద్రమౌలే ప్రసీద ..
సపది సకలవిఘ్నాం యాంతి దూరే దయాలో
తవ శుచిరుచిరం స్యాన్నామసంకీర్తనం చేత్ .
అత ఇహ మనుజాస్త్వాం సర్వకార్యే స్మరంతి
వరదవర కృపాలో చంద్రమౌలే ప్రసీద ..
సకలదురితహంతుః త స్వర్గమోక్షాదిదాతుః
సురరిపువధకర్త్తుః సర్వవిఘ్నప్రహర్త్తుః .
తవ భవతి కృపాతోఽశేషసంపత్తిలాభో
వరదవర కృపాలో చంద్రమౌలే ప్రసీద ..
తవ గణప గుణానాం వర్ణనే నైవ శక్తా
జగతి సకలవంద్యా శారదా సర్వకాలే .
తదితరమనుజానాం కా కథా భాలదృష్టే
వరదవర కృపాలో చంద్రమౌలే ప్రసీద ..
బహుతరమనుజైస్తే దివ్యనామ్నాం సహస్రైః
స్తుతిహుతికరణేన ప్రాప్యతే సర్వసిద్ధిః .
విధిరయమఖిలో వై తంత్రశాస్త్రే ప్రసిద్ధః
వరదవర కృపాలో చంద్రమౌలే ప్రసీద ..
త్వదితరదిహ నాస్తే సచ్చిదానందమూర్త్తే
ఇతి నిగదతి శాస్త్రం విశ్వరూపం త్రినేత్ర .
త్వమసి హరిరథ త్వం శంకరస్త్వం విధాతా
వరదవర కృపాలో చంద్రమౌలేః ప్రసీద ..
సకలసుఖద మాయా యా త్వదీయా ప్రసిద్ధా
శశధరధరసూనే త్వం తయా క్రీడసీహ .
నట ఇవ బహువేషం సర్వదా సంవిధాయ
వరదవర కృపాలో చంద్రమౌలే ప్రసీద ..
భవ ఇహ పురతస్తే పాత్రరూపేణ భర్త్తః
బహువిధనరలీలాం త్వాం ప్రదర్శ్యాశు యాచే .
సపది భవసముద్రాన్మాం సముద్ధారయస్వ
వరదవర కృపాలో చంద్రమౌలే ప్రసీద ..
అష్టకం గణనాథస్య భక్త్యా యో మానవః పఠేత్
తస్య విఘ్నాః ప్రణశ్యంతి గణేశస్య ప్రసాదతః ..
గణేశ మంగల స్తుతి
పరం ధామ పరం బ్రహ్మ పరేశం పరమీశ్వరం. విఘ్ననిఘ్నకరం శాంతం ....
Click here to know more..నవ దుర్గా స్తుతి
వృషారూఢా సైషా హిమగిరిసుతా శక్తిసరితా త్రిశూలం హస్తేఽస....
Click here to know more..సుదీర్ఘమైన మరియు చురుకైన జీవితానికి అథర్వ వేద మంత్రం
విశ్వే దేవా వసవో రక్షతేమముతాదిత్యా జాగృత యూయమస్మిన్ . మ....
Click here to know more..