गजवदन गणेश त्वं विभो विश्वमूर्ते
हरसि सकलविघ्नान् विघ्नराज प्रजानाम् ।
भवति जगति पूजा पूर्वमेव त्वदीया
वरदवर कृपालो चन्द्रमौले प्रसीद ॥
सपदि सकलविघ्नां यान्ति दूरे दयालो
तव शुचिरुचिरं स्यान्नामसङ्कीर्तनं चेत् ।
अत इह मनुजास्त्वां सर्वकार्ये स्मरन्ति
वरदवर कृपालो चन्द्रमौले प्रसीद ॥
सकलदुरितहन्तुः त स्वर्गमोक्षादिदातुः
सुररिपुवधकर्त्तुः सर्वविघ्नप्रहर्त्तुः ।
तव भवति कृपातोऽशेषसम्पत्तिलाभो
वरदवर कृपालो चन्द्रमौले प्रसीद ॥
तव गणप गुणानां वर्णने नैव शक्ता
जगति सकलवन्द्या शारदा सर्वकाले ।
तदितरमनुजानां का कथा भालदृष्टे
वरदवर कृपालो चन्द्रमौले प्रसीद ॥
बहुतरमनुजैस्ते दिव्यनाम्नां सहस्रैः
स्तुतिहुतिकरणेन प्राप्यते सर्वसिद्धिः ।
विधिरयमखिलो वै तन्त्रशास्त्रे प्रसिद्धः
वरदवर कृपालो चन्द्रमौले प्रसीद ॥
त्वदितरदिह नास्ते सच्चिदानन्दमूर्त्ते
इति निगदति शास्त्रं विश्वरूपं त्रिनेत्र ।
त्वमसि हरिरथ त्वं शङ्करस्त्वं विधाता
वरदवर कृपालो चन्द्रमौलेः प्रसीद ॥
सकलसुखद माया या त्वदीया प्रसिद्धा
शशधरधरसूने त्वं तया क्रीडसीह ।
नट इव बहुवेषं सर्वदा संविधाय
वरदवर कृपालो चन्द्रमौले प्रसीद ॥
भव इह पुरतस्ते पात्ररूपेण भर्त्तः
बहुविधनरलीलां त्वां प्रदर्श्याशु याचे ।
सपदि भवसमुद्रान्मां समुद्धारयस्व
वरदवर कृपालो चन्द्रमौले प्रसीद ॥
अष्टकं गणनाथस्य भक्त्या यो मानवः पठेत्
तस्य विघ्नाः प्रणश्यन्ति गणेशस्य प्रसादतः ॥
gajavadana ganesha tvam' vibho vishvamoorte
harasi sakalavighnaan vighnaraaja prajaanaam .
bhavati jagati poojaa poorvameva tvadeeyaa
varadavara kri'paalo chandramaule praseeda ..
sapadi sakalavighnaam' yaanti doore dayaalo
tava shuchiruchiram' syaannaamasankeertanam' chet .
ata iha manujaastvaam' sarvakaarye smaranti
varadavara kri'paalo chandramaule praseeda ..
sakaladuritahantuh' ta svargamokshaadidaatuh'
suraripuvadhakarttuh' sarvavighnapraharttuh' .
tava bhavati kri'paato'sheshasampattilaabho
varadavara kri'paalo chandramaule praseeda ..
tava ganapa gunaanaam' varnane naiva shaktaa
jagati sakalavandyaa shaaradaa sarvakaale .
taditaramanujaanaam' kaa kathaa bhaaladri'sht'e
varadavara kri'paalo chandramaule praseeda ..
bahutaramanujaiste divyanaamnaam' sahasraih'
stutihutikaranena praapyate sarvasiddhih' .
vidhirayamakhilo vai tantrashaastre prasiddhah'
varadavara kri'paalo chandramaule praseeda ..
tvaditaradiha naaste sachchidaanandamoortte
iti nigadati shaastram' vishvaroopam' trinetra .
tvamasi hariratha tvam' shankarastvam' vidhaataa
varadavara kri'paalo chandramauleh' praseeda ..
sakalasukhada maayaa yaa tvadeeyaa prasiddhaa
shashadharadharasoone tvam' tayaa kreed'aseeha .
nat'a iva bahuvesham' sarvadaa sam'vidhaaya
varadavara kri'paalo chandramaule praseeda ..
bhava iha purataste paatraroopena bharttah'
bahuvidhanaraleelaam' tvaam' pradarshyaashu yaache .
sapadi bhavasamudraanmaam' samuddhaarayasva
varadavara kri'paalo chandramaule praseeda ..
asht'akam' gananaathasya bhaktyaa yo maanavah' pat'het
tasya vighnaah' pranashyanti ganeshasya prasaadatah' ..
Anilatmaja Stuti
prasannamaanasam mudaa jitendriyam chatushkaram gadaadharam kri'tipriyam. vidam cha kesareesutam dri'd'havratam bhaje sadaa'nilaatmajam suraarchitam. ....
Click here to know more..Damodara Ashtakam
namo raadhikaayai tvadeeyapriyaayai namo'nantaleelaaya devaaya tubhyam.....
Click here to know more..The Result Of Arrogance
The lion said: I am your king. He will not dare to come in front of me. But anyway, we will all go together and look for the man. With me, you will be....
Click here to know more..