सदा ब्रह्मभूतं विकारादिहीनं विकारादिभूतं महेशादिवन्द्यम् ।
अपारस्वरूपं स्वसंवेद्यमेकं नमामः सदा वक्रतुण्डं भजामः ॥
अजं निर्विकल्पं कलाकालहीनं हृदिस्थं सदा साक्षिरूपं परेशम् ।
जनज्ञानकारं प्रकाशैर्विहीनं नमामः सदा वक्रतुण्डं भजामः ॥
अनन्तस्वरूपं सदानन्दकन्दं प्रकाशस्वरूपं सदा सर्वगं तम् ।
अनादिं गुणादिं गुणाधारभूतं नमामः सदा वक्रतुण्डं भजामः ॥
धरावायुतेजोमयं तोयभावं सदाकाशरूपं महाभूतसंस्थम् ।
अहङ्कारधारं तमोमात्रसंस्थं नमामः सदा वक्रतुण्डं भजामः ॥
रविप्राणविष्णुप्रचेतोयमेश- विधात्रश्विवैश्वानरेन्द्रप्रकाशम् ।
दिशां बोधकं सर्वदेवाधिरूपं नमामः सदा वक्रतुण्डं भजामः ॥
उपस्थत्वगुक्तीक्षणस्थप्रकाशं कराङ्घ्रिस्वरूपं कृतघ्राणजिह्वम् ।
गुदस्थं श्रुतिस्थं महाखप्रकाशं नमामः सदा वक्रतुण्डं भजामः ॥
रजोरूपसृष्टिप्रकाशं विधिं तं सदा पालने केशवं सत्त्वसंस्थम् ।
तमोरूपधारं हरं संहरं तं नमामः सदा वक्रतुण्डं भजामः ॥
दिशाधीशरूपं सदाशास्वरूपं ग्रहादिप्रकाशं ध्रुवादिं खगस्थम् ।
अनन्तोडुरूपं तदाकारहीनं नमामः सदा वक्रतुण्डं भजामः ॥
महत्तत्त्वरूपं प्रधानस्वरूपम् अहङ्कारधारं त्रयीबोधकारम् ।
अनाद्यन्तमायं तदाधारपुच्छं नमामः सदा वक्रतुण्डं भजामः ॥
सदा कर्मधारं फलैः स्वर्गदं तम् अकर्मप्रकाशेन मुक्तिप्रदं तम् ।
विकर्मादिना यातनाऽऽधारभूतं नमामः सदा वक्रतुण्डं भजामः ॥
अलोभस्वरूपं सदा लोभधारं जनज्ञानकारं जनाधीशपालम् ।
नृणां सिद्धिदं मानवं मानवस्थं नमामः सदा वक्रतुण्डं भजामः ।
लतावृक्षरूपं सदा पक्षिरूपं धनादिप्रकाशं सदा धान्यरूपम् ।
प्रसृत्पुत्रपौत्रादिनानास्वरूपं नमामः सदा वक्रतुण्डं भजामः ॥
खगेशस्वरूपं वृषादिप्रसंस्थं मृगेन्द्रादिबोधं मृगेन्द्रस्वरूपम् ।
धराधारहेमाद्रिमेरुस्वरूपं नमामः सदा वक्रतुण्डं भजामः ॥
सुवर्णादिधातुस्थसद्रङ्गसंस्थं समुद्रादिमेघस्वरूपं जलस्थम् ।
जले जन्तुमत्स्यादिनानाविभेदं नमामः सदा वक्रतुण्डं भजामः ॥
सदा शेषनागादिनागस्वरूपं सदा नागभूषं च लीलाकरं तैः ।
सुरारिस्वरूपं च दैत्यादिभूतं नमामः सदा वक्रतुण्डं भजामः ॥
वरं पाशधारं सदा भक्तपोषं महापौरुषं मायिनं सिंहसंस्थम् ।
चतुर्बाहुधारं सदा विघ्ननाशं नमामः सदा वक्रतुण्डं भजामः ॥
गणेशं गणेशादिवन्द्यं सुरेशं परं सर्वपूज्यं सुबोधादिगम्यम् ।
महावाक्यवेदान्तवेद्यं परेशं नमामः सदा वक्रतुण्डं भजामः ॥
अनन्तावतारैः सदा पालयन्तं स्वधर्मादिसंस्थं जनं कारयन्तम् ।
सुरैर्दैत्यपैर्वन्द्यमेकं समं त्वां नमामः सदा वक्रतुण्डं भजामः ॥
त्वया नाशितोऽयं महादैत्यभूपः सुशान्तेर्धरोऽयं कृतस्तेन विश्वम् ।
अखण्डप्रहर्षेण युक्तं च तं वै नमामः सदा वक्रतुण्डं भजामः ॥
न विन्दन्ति यं वेदवेदज्ञमर्त्या न विन्दन्ति यं शास्त्रशास्त्रज्ञभूपाः ।
न विन्दन्ति यं योगयोगीशकाद्या नमामः सदा वक्रतुण्डं भजामः ॥
न वेदा विदुर्यं च देवेन्द्रमुख्या न योगैर्मुनीन्द्रा वयं किं स्तुमश्च ।
तथाऽपि स्वबुध्या स्तुतं वक्रतुण्डं नमामः सदा वक्रतुण्डं भजामः ॥
sadaa brahmabhootam vikaaraadiheenam vikaaraadibhootam maheshaadivandyam .
apaarasvaroopam svasamvedyamekam namaamah' sadaa vakratund'am bhajaamah' ..
ajam nirvikalpam kalaakaalaheenam hri'distham sadaa saakshiroopam paresham .
janajnyaanakaaram prakaashairviheenam namaamah' sadaa vakratund'am bhajaamah' ..
anantasvaroopam sadaanandakandam prakaashasvaroopam sadaa sarvagam tam .
anaadim gunaadim gunaadhaarabhootam namaamah' sadaa vakratund'am bhajaamah' ..
dharaavaayutejomayam toyabhaavam sadaakaasharoopam mahaabhootasamstham .
ahankaaradhaaram tamomaatrasamstham namaamah' sadaa vakratund'am bhajaamah' ..
ravipraanavishnuprachetoyamesha- vidhaatrashvivaishvaanarendra- prakaasham .
dishaam bodhakam sarvadevaadhiroopam namaamah' sadaa vakratund'am bhajaamah' ..
upasthatvagukteekshana- sthaprakaasham karaanghrisvaroopam kri'taghraanajihvam .
gudastham shrutistham mahaakhaprakaasham namaamah' sadaa vakratund'am bhajaamah' ..
rajoroopasri'sht'iprakaasham vidhim tam sadaa paalane keshavam sattvasamstham .
tamoroopadhaaram haram samharam tam namaamah' sadaa vakratund'am bhajaamah' ..
dishaadheesharoopam sadaashaasvaroopam grahaadiprakaasham dhruvaadim khagastham .
anantod'uroopam tadaakaaraheenam namaamah' sadaa vakratund'am bhajaamah' ..
mahattattvaroopam pradhaanasvaroopam ahankaaradhaaram trayeebodhakaaram .
anaadyantamaayam tadaadhaarapuchchham namaamah' sadaa vakratund'am bhajaamah' ..
sadaa karmadhaaram phalaih' svargadam tam akarmaprakaashena muktipradam tam .
vikarmaadinaa yaatanaa''dhaarabhootam namaamah' sadaa vakratund'am bhajaamah' ..
alobhasvaroopam sadaa lobhadhaaram janajnyaanakaaram janaadheeshapaalam .
nri'naam siddhidam maanavam maanavastham namaamah' sadaa vakratund'am bhajaamah' .
lataavri'ksharoopam sadaa pakshiroopam dhanaadiprakaasham sadaa dhaanyaroopam .
prasri'tputrapautraadinaanaasvaroopam namaamah' sadaa vakratund'am bhajaamah' ..
khageshasvaroopam vri'shaadiprasamstham mri'gendraadibodham mri'gendrasvaroopam .
dharaadhaarahemaadrimerusvaroopam namaamah' sadaa vakratund'am bhajaamah' ..
suvarnaadidhaatustha- sadrangasamstham samudraadimeghasvaroopam jalastham .
jale jantumatsyaadinaanaavibhedam namaamah' sadaa vakratund'am bhajaamah' ..
sadaa sheshanaagaadinaagasvaroopam sadaa naagabhoosham cha leelaakaram taih' .
suraarisvaroopam cha daityaadibhootam namaamah' sadaa vakratund'am bhajaamah' ..
varam paashadhaaram sadaa bhaktaposham mahaapaurusham maayinam simhasamstham .
chaturbaahudhaaram sadaa vighnanaasham namaamah' sadaa vakratund'am bhajaamah' ..
ganesham ganeshaadivandyam suresham param sarvapoojyam subodhaadigamyam .
mahaavaakyavedaantavedyam paresham namaamah' sadaa vakratund'am bhajaamah' ..
anantaavataaraih' sadaa paalayantam svadharmaadisamstham janam kaarayantam .
surairdaityapairvandyamekam samam tvaam namaamah' sadaa vakratund'am bhajaamah' ..
tvayaa naashito'yam mahaadaityabhoopah' sushaanterdharo'yam kri'tastena vishvam .
akhand'apraharshena yuktam cha tam vai namaamah' sadaa vakratund'am bhajaamah' ..
na vindanti yam vedavedajnyamartyaa na vindanti yam shaastrashaastrajnyabhoopaah' .
na vindanti yam yogayogeeshakaadyaa namaamah' sadaa vakratund'am bhajaamah' ..
na vedaa viduryam cha devendramukhyaa na yogairmuneendraa vayam kim stumashcha .
tathaa'pi svabudhyaa stutam vakratund'am namaamah' sadaa vakratund'am bhajaamah' ..
Ashta Vinayaka Stotram
svasti shreegananaayako gajamukho moreshvarah' siddhido ballaal'astu vinaayakastvatha mad'he chintaamanisthevare. lenyaadrau girijaatmajah' suvarado v....
Click here to know more..Ganesha Stava
वन्दे वन्दारुमन्दारमिन्दुभूषणनन्दनम्। अमन्दानन्दसन्....
Click here to know more..Son Of Bhima And Hidimba
Learn about the marriage of Bhima and a Rakshasi called Hidimba and the son born to them.....
Click here to know more..