ప్రాతః స్మరామి గణనాథముఖారవిందం
నేత్రత్రయం మదసుగంధితగండయుగ్మం.
శుండంచ రత్నఘటమండితమేకదంతం
ధ్యానేన చింతితఫలం వితరన్నమీక్ష్ణం.
ప్రాతః స్మరామి గణనాథభుజానశేషా-
నబ్జాదిభిర్విలసితాన్ లసితాంగదైశ్చ.
ఉద్దండవిఘ్నపరిఖండన- చండదండాన్
వాంఛాధికం ప్రతిదినం వరదానదక్షాన్.
ప్రాతః స్మరామి గణనాథవిశాలదేహం
సిందూరపుంజపరిరంజిత- కాంతికాంతం.
ముక్తాఫలైర్మణి- గణైర్లసితం సమంతాత్
శ్లిష్టం ముదా దయితయా కిల సిద్ధలక్ష్మ్యా.
ప్రాతః స్తువే గణపతిం గణరాజరాజం
మోదప్రమోదసుముఖాది- గణైశ్చ జుష్టం.
శక్త్యష్టభిర్విలసితం నతలోకపాలం
భక్తార్తిభంజనపరం వరదం వరేణ్యం.
ప్రాతః స్మరామి గణనాయకనామరూపం
లంబోదరం పరమసుందరమేకదంతం.
సిద్ధిప్రదం గజముఖం సుముఖం శరణ్యం
శ్రేయస్కరం భువనమంగలమాదిదేవం.
యః శ్లోకపంచకమిదం పఠతి ప్రభాతే
భక్త్యా గృహీతచరణో గణనాయకస్య.
తస్మై దదాతి ముదితో వరదానదక్ష-
శ్చింతామణిర్నిఖిల- చింతితమర్థకామం.
పురుషోత్తమ స్తోత్రం
నమః శ్రీకృష్ణచంద్రాయ పరిపూర్ణతమాయ చ. అసంఖ్యాండాధిపతయే ....
Click here to know more..దుర్గా పంచక స్తోత్రం
కర్పూరేణ వరేణ పావకశిఖా శాఖాయతే తేజసా వాసస్తేన సుకంపతే ....
Click here to know more..భర్త అనురాగాన్ని పొందే మంత్రం
ఓం నమః సీతాపతయే రామాయ హన హన హుఀ ఫట్ . ఓం నమః సీతాపతయే రామా....
Click here to know more..