सर्वाधिदुःखहरणं ह्यपराजितं तं
मुख्यामरेन्द्रमहितं वरमद्वितीयम्।
अक्षोभ्यमुत्तमसुरं वरदानमार्किं
वन्दे शनैश्चरमहं नवखेटशस्तम्।
आकर्णपूर्णधनुषं ग्रहमुख्यपुत्रं
सन्मर्त्यमोक्षफलदं सुकुलोद्भवं तम्।
आत्मप्रियङ्करम- पारचिरप्रकाशं
वन्दे शनैश्चरमहं नवखेटशस्तम्।
अक्षय्यपुण्यफलदं करुणाकटाक्षं
चायुष्करं सुरवरं तिलभक्ष्यहृद्यम्।
दुष्टाटवीहुतभुजं ग्रहमप्रमेयं
वन्दे शनैश्चरमहं नवखेटशस्तम्।
ऋग्रूपिणं भवभयाऽपहघोररूपं
चोच्चस्थसत्फलकरं घटनक्रनाथम्।
आपन्निवारकमसत्यरिपुं बलाढ्यं
वन्दे शनैश्चरमहं नवखेटशस्तम्।
एनौघनाशनमनार्तिकरं पवित्रं
नीलाम्बरं सुनयनं करुणानिधिं तम्।
एश्वर्यकार्यकरणं च विशालचित्तं
वन्दे शनैश्चरमहं नवखेटशस्तम्।
नरसिंह स्तव
भैरवाडम्बरं बाहुदंष्ट्रायुधं चण्डकोपं महाज्वालमेकं प....
Click here to know more..मार्गबन्धु स्तोत्र
शम्भो महादेव देव| शिव शम्भो महादेव देवेश शम्भो| शम्भो महा....
Click here to know more..प्रातः स्मरण
इस प्रवचन से जानिए- १. किन किन देवताओं का कैसे कैसे प्रातः ....
Click here to know more..