मनोबुद्ध्यहङ्कारचित्तानि नाहं न च श्रोत्रजिह्वे न च घ्राणनेत्रे।
न च व्योमभूमिर्न तेजो न वायुश्चिदानन्दरूपः शिवोऽहं शिवोऽहम्।
न च प्राणसंज्ञो न वै पञ्चवायुर्न वा सप्तधातुर्न वा पञ्चकोशः।
न वाक्पाणिपादौ न चोपस्थपायुश्चिदानन्दरूपः शिवोऽहं शिवोऽहम्।
न मे द्वेषरागौ न मे लोभमोहौ मदो नैव मे नैव मात्सर्यभावः।
न धर्मो न चार्थो न कामो न मोक्षश्चिदानन्दरूपः शिवोऽहं शिवोऽहम्।
न पुण्यं न पापं न सौख्यं न दुःखं न मन्त्रो न तीर्थं न वेदा न यज्ञाः।
अहं भोजनं नैव भोज्यं न भोक्ता चिदानन्दरूपः शिवोऽहं शिवोऽहम्।
न मे मृत्युशङ्का न मे जातिभेदः पिता नैव मे नैव माता न जन्म।
न बन्धुर्न मित्रं गुरुर्नैव शिष्यश्चिदानन्दरूपः शिवोऽहं शिवोऽहम्।
अहं निर्विकल्पो निराकाररूपो विभुर्व्याप्य सर्वत्र सर्वेन्द्रियाणाम्।
सदा मे समत्वं न मुक्तिर्न बन्धश्चिदानन्दरूपः शिवोऽहं शिवोऽहम्।
manobuddhyahankaarachittaani naaham na cha shrotrajihve na cha ghraananetre.
na cha vyomabhoomirna tejo na vaayushchidaanandaroopah' shivo'ham shivo'ham.
na cha praanasanjnyo na vai panchavaayurna vaa saptadhaaturna vaa panchakoshah'.
na vaakpaanipaadau na chopasthapaayushchidaanandaroopah' shivo'ham shivo'ham.
na me dvesharaagau na me lobhamohau mado naiva me naiva maatsaryabhaavah'.
na dharmo na chaartho na kaamo na mokshashchidaanandaroopah' shivo'ham shivo'ham.
na punyam na paapam na saukhyam na duh'kham na mantro na teertham na vedaa na yajnyaah'.
aham bhojanam naiva bhojyam na bhoktaa chidaanandaroopah' shivo'ham shivo'ham.
na me mri'tyushankaa na me jaatibhedah' pitaa naiva me naiva maataa na janma.
na bandhurna mitram gururnaiva shishyashchidaanandaroopah' shivo'ham shivo'ham.
aham nirvikalpo niraakaararoopo vibhurvyaapya sarvatra sarvendriyaanaam.
sadaa me samatvam na muktirna bandhashchidaanandaroopah' shivo'ham shivo'ham.
Lakshmi Lahari Stotram
samunmeelanneelaambujanikaraneeraajitaruchaa- mapaangaanaam bhangairamri'talahareeshrenimasri'naih'. hriyaa heenam deenam bhri'shamudaraleenam karunay....
Click here to know more..Sadhana Panchakam
vedo nityamadheeyataam taduditam karmasvanusht'heeyataam teneshasya vidheeyataamapachitih' kaamye matistyajyataam. paapaughah' paridhooyataam bhavasuk....
Click here to know more..Sutak Rules For Relatives After Death
Here is a comprehensive list of the periods of mourning after the death of a relative.....
Click here to know more..