सुरेन्द्रदेवभूतमुख्यसंवृतं
गले भुजङ्गभूषणं भयाऽपहम् ।
समस्तलोकवन्दितं सुनन्दितं
वृषाधिरूढमव्ययं परात्परम् ।।
वन्दे शिवशङ्करम् ।
अनाथनाथमर्कदीप्तिभासुरं
प्रवीणविप्रकीर्तितं सुकीर्तिदम् ।
विनायकप्रियं जगत्प्रमर्दनं
निरग्रजं नरेश्वरं निरीश्वरम् ।।
वन्दे शिवशङ्करम् ।
पिनाकहस्तमाशुपापनाशनं
परिश्रमेण साधनं भवाऽमृतम् ।
स्वरापगाधरं गुणैर्विवर्जितं
वरप्रदायकं विवेकिनं वरम् ।।
वन्दे शिवशङ्करम् ।
दयापयोनिधिं परोक्षमक्षयं
कृपाकरं सुभास्वरं वियत्स्थितम् ।
मुनिप्रपूजितं सुरं सभाजयं
सुशान्तमानसं चरं दिगम्बरम् ।
वन्दे शिवशङ्करम् ।
तमोविनाशनं जगत्पुरातनं
विपन्निवारणं सुखस्य कारणम् ।
सुशान्ततप्तकाञ्चनाभमर्थदं
स्वयंभुवं त्रिशूलिनं सुशङ्करम् ।।
वन्दे शिवशङ्करम् ।
हिमांशुमित्रहव्यवाहलोचनम्
उमापतिं कपर्दिनं सदाशिवम् ।
सुराग्रजं विशालदेहमीश्वरं
जटाधरं जरान्तकं मुदाकरम् ।।
वन्दे शिवशङ्करम् ।
समस्तलोकनायकं विधायकं
शरत्सुधांशुशेखरं शिवाऽऽवहम् ।
सुरेशमुख्यमीशमाऽऽशुरक्षकं
महानटं हरं परं महेश्वरम् ।।
वन्दे शिवशङ्करम् ।
शिवस्तवं जनस्तु यः पठेत् सदा
गुणं कृपां च साधुकीर्तिमुत्तमाम् ।
अवाप्नुते बलं धनं च सौहृदं
शिवस्य रूपमादिमं मुदा चिरम् ।।
वन्दे शिवशङ्करम् ।
surendradevabhootamukhyasamvri'tam
gale bhujangabhooshanam bhayaa'paham .
samastalokavanditam sunanditam
vri'shaadhirood'hamavyayam paraatparam ..
vande shivashankaram .
anaathanaathamarkadeeptibhaasuram
praveenaviprakeertitam sukeertidam .
vinaayakapriyam jagatpramardanam
niragrajam nareshvaram nireeshvaram ..
vande shivashankaram .
pinaakahastamaashupaapanaashanam
parishramena saadhanam bhavaa'mri'tam .
svaraapagaadharam gunairvivarjitam
varapradaayakam vivekinam varam ..
vande shivashankaram .
dayaapayonidhim parokshamakshayam
kri'paakaram subhaasvaram viyatsthitam .
muniprapoojitam suram sabhaajayam
sushaantamaanasam charam digambaram .
vande shivashankaram .
tamovinaashanam jagatpuraatanam
vipannivaaranam sukhasya kaaranam .
sushaantataptakaanchanaabhamarthadam
svayambhuvam trishoolinam sushankaram ..
vande shivashankaram .
himaamshumitrahavyavaahalochanam
umaapatim kapardinam sadaashivam .
suraagrajam vishaaladehameeshvaram
jat'aadharam jaraantakam mudaakaram ..
vande shivashankaram .
samastalokanaayakam vidhaayakam
sharatsudhaamshushekharam shivaa''vaham .
sureshamukhyameeshamaa''shurakshakam
mahaanat'am haram param maheshvaram ..
vande shivashankaram .
shivastavam janastu yah' pat'het sadaa
gunam kri'paam cha saadhukeertimuttamaam .
avaapnute balam dhanam cha sauhri'dam
shivasya roopamaadimam mudaa chiram ..
vande shivashankaram .
Navagraha Bhujanga Stotram
dinesham suram divyasaptaashvavantam sahasraamshumarkam tapantam bhagam tam. ravim bhaaskaram dvaadashaatmaanamaaryam trilokapradeepam grahesham namaa....
Click here to know more..Jambunatha Ashtakam
kashchana shashichood'aalam kant'hekaalam dayaughamutkoolam. shritajambootarumoolam shikshitakaalam bhaje jaganmoolam.....
Click here to know more..Sethu Madhava Temple Rameswaram
Discover the fascinating story behind why Lord Vishnu is known as Sethu Madhava in Rameswaram....
Click here to know more..