ओम् अस्य श्रीशिवरक्षास्तोत्रमन्त्रस्य। याज्ञवल्क्य-ऋषिः। श्रीसदाशिवो देवता।
अनुष्टुप् छन्दः। श्रीसदाशिवप्रीत्यर्थे शिवरक्षास्तोत्रजपे विनियोगः।
चरितं देवदेवस्य महादेवस्य पावनम्।
अपारं परमोदारं चतुर्वर्गस्य साधनम्।
गौरीविनायकोपेतं पञ्चवक्त्रं त्रिनेत्रकम्।
शिवं ध्यात्वा दशभुजं शिवरक्षां पठेन्नरः।
गङ्गाधरः शिरः पातु भालमर्धेन्दुशेखरः।
नयने मदनध्वंसी कर्णौ सर्पविभूषणः।
घ्राणं पातु पुरारातिर्मुखं पातु जगत्पतिः।
जिह्वां वागीश्वरः पातु कन्धरां शितिकन्धरः।
श्रीकण्ठः पातु मे कण्ठं स्कन्धौ विश्वधुरन्धरः।
भुजौ भूभारसंहर्ता करौ पातु पिनाकधृक्।
हृदयं शङ्करः पातु जठरं गिरिजापतिः।
नाभिं मृत्युञ्जयः पातु कटी व्याघ्राजिनाम्बरः।
सक्थिनी पातु दीनार्त्त- शरणागतवत्सलः।
ऊरू महेश्वरः पातु जानुनी जगदीश्वरः।
जङ्घे पातु जगत्कर्ता गुल्फौ पातु गणाधिपः।
चरणौ करुणासिन्धुः सर्वाङ्गानि सदाशिवः।
एतां शिवबलोपेतां रक्षां यः सुकृती पठेत्।
स भुक्त्वा सकलान् कामान् शिवसायुज्यमाप्नुयात्।
ग्रहभूतपिशाचाद्यास्त्रैलोक्ये विचरन्ति ये।
दूरादाशु पलायन्ते शिवनामाभिरक्षणात्।
अभयङ्करनामेदं कवचं पार्वतीपतेः।
भक्त्या बिभर्ति यः कण्ठे तस्य वश्यं जगत्त्रयम्।
इमां नारायणः स्वप्ने शिवरक्षां यथाऽऽदिशत्।
प्रातरुत्थाय योगीन्द्रो याज्ञवल्क्यस्तथाऽलिखत्।
om asya shreeshivarakshaastotramantrasya. yaajnyavalkya-ri'shih'. shreesadaashivo devataa.
anusht'up chhandah'. shreesadaashivapreetyarthe shivarakshaastotrajape viniyogah'.
charitam devadevasya mahaadevasya paavanam.
apaaram paramodaaram chaturvargasya saadhanam.
gaureevinaayakopetam panchavaktram trinetrakam.
shivam dhyaatvaa dashabhujam shivarakshaam pat'hennarah'.
gangaadharah' shirah' paatu bhaalamardhendushekharah'.
nayane madanadhvamsee karnau sarpavibhooshanah'.
ghraanam paatu puraaraatirmukham paatu jagatpatih'.
jihvaam vaageeshvarah' paatu kandharaam shitikandharah'.
shreekant'hah' paatu me kant'ham skandhau vishvadhurandharah'.
bhujau bhoobhaarasamhartaa karau paatu pinaakadhri'k.
hri'dayam shankarah' paatu jat'haram girijaapatih'.
naabhim mri'tyunjayah' paatu kat'ee vyaaghraajinaambarah'.
sakthinee paatu deenaartta- sharanaagatavatsalah'.
ooroo maheshvarah' paatu jaanunee jagadeeshvarah'.
janghe paatu jagatkartaa gulphau paatu ganaadhipah'.
charanau karunaasindhuh' sarvaangaani sadaashivah'.
etaam shivabalopetaam rakshaam yah' sukri'tee pat'het.
sa bhuktvaa sakalaan kaamaan shivasaayujyamaapnuyaat.
grahabhootapishaachaadyaastrailokye vicharanti ye.
dooraadaashu palaayante shivanaamaabhirakshanaat.
abhayankaranaamedam kavacham paarvateepateh'.
bhaktyaa bibharti yah' kant'he tasya vashyam jagattrayam.
imaam naaraayanah' svapne shivarakshaam yathaa''dishat.
praatarutthaaya yogeendro yaajnyavalkyastathaa'likhat.
Hanuman Chalisa English Lyrics And Meaning
jaya hanumaana jnyaana guna saagara . jaya kapeesha tihum' loka ujaagara ..1.. You have got immense knowledge. You have got great qualities. You are ....
Click here to know more..Ayyappa Dhyana Ashtakam
nipaatayantam khalu saadhakasya. paadaabjayormand'adharam trinetram bhajema shaastaaramabheesht'asiddhyai.....
Click here to know more..After she manifested herself- Devas started giving her weapons