पुलकिनि भुजमध्ये पूजयन्तं पुरन्ध्रीं
भुवननयनपुण्यं पूरिताशेषकामम्।
पुनरपि वृषशैले फुल्लनीलोत्पलाभं
पुरुषमनुभवेयं पुण्डरीकायताक्षम्।
आजानसौहृदमपारकृपामृताब्धि-
मव्याजवत्सलमवेलसुशीलमाद्यम्।
आनन्दराशिमनुरागमयावरोध-
माराधयामि हरिमञ्जनशैलनाथम्।
आताम्रपादमवदातसुवर्णचेल-
मापीनबाहुशिखरोज्ज्वलशङ्खचक्रम्।
आविस्स्मिताननममन्ददयाकटाक्ष-
माराधयामि हरिमञ्जनशैलनाथम्।
अप्राकृतावयवसंहितसंनिवेश-
मारूढयौवनमहीनकुमारभावम्।
अम्लानकान्तिमतिवाङ्मनसानुभाव-
माराधयामि हरिमञ्जनशैलनाथम्।
आशावकाशसमुदित्वरसर्वगन्ध-
मास्वादयत्सुगमसर्वरसस्वभावम्।
आश्लेषगम्यसुखसंस्पृशनातिरेक-
माराधयामि हरिमञ्जनशैलनाथम्।
आदर्शयन्तमतिसंकुचिताक्षिशक्ति-
माश्रावयन्तमखिलान् बधिरान् प्रकृत्या।
आभाषयन्तमभितो नतमूकवर्ग-
माराधयामि हरिमञ्जनशैलनाथम्।
आधावयन्तमतिमारुतमेव पङ्गू-
नाजानुलम्बिभुजयन्तमहो कुबाहून्।
अन्यांश्च कृतशिरसः प्रतिजीवयन्त-
माराधयामि हरिमञ्जनशैलनाथम्।
आजन्मनिर्धनजनानलकेशयन्त-
मज्ञानपि त्रिदशदेशिकदेश्ययन्तम्।
अह्नाय वन्ध्यमपि मर्त्यमवन्ध्ययन्त-
माराधयामि हरिमञ्जनशैलनाथम्।
आबद्धकङ्कणमशेषशरण्यताया-
मापत्सहायमपराधसहं नतानाम् ।
आसन्नसामगसुखालससूरिवर्ग-
माराधयामि हरिमञ्जनशैलनाथम्।
अध्यासितासनसरोजसनूपुराङ्घ्रि-
मामुक्तवीरकटकायतवृत्तजङ्घम् ।
आश्चर्यजानुयुगमप्रतिमोरुकाण्ड-
माराधयामि हरिमञ्जनशैलनाथम्।
आवर्तिनिम्ननिखिलाण्डनिदाननाभि
मायामिदोर्विवरकेलिगृहावरोधम्।
आबद्धरत्नमयभूषभुजाचतुष्क-
माराधयामि हरिमञ्जनशैलनाथम्।
अंसावलम्बिमणिकुण्डलकान्तगण्ड-
माविस्स्मितांशुमधुराधरबन्धुजीवम्।
आस्याब्जसौरभसमुत्सुकदीर्घनास-
माराधयामि हरिमञ्जनशैलनाथम्।
अर्धेन्दुभास्वदलिकोल्लसदूर्ध्वपुण्ड्र-
मालोलनीलकुटिलालकचारुवक्त्रम्।
आविर्मयूखमणिचूडमहाकिरीट-
माराधयामि हरिमञ्जनशैलनाथम्।
वादिभीतिकरार्येण रचिता भावबन्ध तः
शोभते वेङ्कटाद्रीशविषया स्तुतिरद्भुता।
pulakini bhujamadhye poojayantam purandhreem
bhuvananayanapunyam pooritaasheshakaamam.
punarapi vri'shashaile phullaneelotpalaabham
purushamanubhaveyam pund'areekaayataaksham.
aajaanasauhri'damapaarakri'paamri'taabdhi-
mavyaajavatsalamavelasusheelamaadyam.
aanandaraashimanuraagamayaavarodha-
maaraadhayaami harimanjanashailanaatham.
aataamrapaadamavadaatasuvarnachela-
maapeenabaahushikharojjvalashankhachakram.
aavissmitaananamamandadayaakat'aaksha-
maaraadhayaami harimanjanashailanaatham.
apraakri'taavayavasamhitasamnivesha-
maarood'hayauvanamaheenakumaarabhaavam.
amlaanakaantimativaangmanasaanubhaava-
maaraadhayaami harimanjanashailanaatham.
aashaavakaashasamuditvarasarvagandha-
maasvaadayatsugamasarvarasasvabhaavam.
aashleshagamyasukhasamspri'shanaatireka-
maaraadhayaami harimanjanashailanaatham.
aadarshayantamatisankuchitaakshishakti-
maashraavayantamakhilaan badhiraan prakri'tyaa.
aabhaashayantamabhito natamookavarga-
maaraadhayaami harimanjanashailanaatham.
aadhaavayantamatimaarutameva pangoo-
naajaanulambibhujayantamaho kubaahoon.
anyaamshcha kri'tashirasah' pratijeevayanta-
maaraadhayaami harimanjanashailanaatham.
aajanmanirdhanajanaanalakeshayanta-
majnyaanapi tridashadeshikadeshyayantam.
ahnaaya vandhyamapi martyamavandhyayanta-
maaraadhayaami harimanjanashailanaatham.
aabaddhakankanamasheshasharanyataayaa-
maapatsahaayamaparaadhasaham nataanaam .
aasannasaamagasukhaalasasoorivarga-
maaraadhayaami harimanjanashailanaatham.
adhyaasitaasanasarojasanoopuraanghri-
maamuktaveerakat'akaayatavri'ttajangham .
aashcharyajaanuyugamapratimorukaand'a-
maaraadhayaami harimanjanashailanaatham.
aavartinimnanikhilaand'anidaananaabhi
maayaamidorvivarakeligri'haavarodham.
aabaddharatnamayabhooshabhujaachatushka-
maaraadhayaami harimanjanashailanaatham.
amsaavalambimanikund'alakaantagand'a-
maavissmitaamshumadhuraadharabandhujeevam.
aasyaabjasaurabhasamutsukadeerghanaasa-
maaraadhayaami harimanjanashailanaatham.
ardhendubhaasvadalikollasadoordhvapund'ra-
maalolaneelakut'ilaalakachaaruvaktram.
aavirmayookhamanichood'amahaakireet'a-
maaraadhayaami harimanjanashailanaatham.
vaadibheetikaraaryena rachitaa bhaavabandha tah'
shobhate venkat'aadreeshavishayaa stutiradbhutaa.
Other languages: Kannada
Krishna Varada Stuti
dooradooramupaaruhya patataamapi chaantaraa sakri'daakrandanenaiva varadah' karado bhavet ......
Click here to know more..Parvati Aarti
jaya paarvatee maataa jaya paarvatee maataa. brahmaa sanaatana devee shubhaphala kee daataa. arikulapadma vinaasanee jaya sevakatraataa. jagajeevana j....
Click here to know more..Daughter of an Asura becomes queen of swarga