देवराजसेव्यमान- पावनाङ्घ्रिपङ्कजं
व्यालयज्ञसूत्रमिन्दुशेखरं कृपाकरम्।
नारदादियोगिवृन्दवन्दितं दिगम्बरं
काशिकापुराधिनाथ- कालभैरवं भजे।
भानुकोटिभास्वरं भवाब्धितारकं परं
नीलकण्ठमीप्सितार्थ- दायकं त्रिलोचनम्।
कालकालमम्बुजाक्ष- मक्षशूलमक्षरं
काशिकापुराधिनाथ- कालभैरवं भजे।
शूलटङ्कपाशदण्ड- पाणिमादिकारणं
श्यामकायमादिदेवमक्षरं निरामयम्।
भीमविक्रमं प्रभुं विचित्रताण्डवप्रियं
काशिकापुराधिनाथ- कालभैरवं भजे।
भुक्तिमुक्तिदायकं प्रशस्तचारुविग्रहं
भक्तवत्सलं स्थिरं समस्तलोकविग्रहम्।
निक्क्वणन्मनोज्ञहेम- किङ्किणीलसत्कटिं
काशिकापुराधिनाथ- कालभैरवं भजे।
धर्मसेतुपालकं त्वधर्ममार्गनाशकं
कर्मपाशमोचकं सुशर्मदायकं विभुम्।
स्वर्णवर्णकेशपाश- शोभिताङ्गनिर्मलं
काशिकापुराधिनाथ- कालभैरवं भजे।
रत्नपादुकाप्रभाभिराम- पादयुग्मकं
नित्यमद्वितीयमिष्टदैवतं निरञ्जनम्।
मृत्युदर्पनाशकं करालदंष्ट्रभूषणं
काशिकापुराधिनाथ- कालभैरवं भजे।
अट्टहासभिन्नपद्म- जाण्कोशसन्ततिं
दृष्टिपातनष्टपाप- जालमुग्रशासनम्।
अष्टसिद्धिदायकं कपालमालिकाधरं
काशिकापुराधिनाथ- कालभैरवं भजे।
भूतसङ्घनायकं विशालकीर्तिदायकं
काशिवासिलोकपुण्य- पापशोधकं विभुम्।
नीतिमार्गकोविदं पुरातनं जगत्पतिं
काशिकापुराधिनाथ- कालभैरवं भजे।
कालभैरवाष्टकं पठन्ति ये मनोहरं
ज्ञानमुक्तिसाधकं विचित्रपुण्यवर्धनम्।
शोकमोहलोभदैन्यकोप- तापनाशनं
ते प्रयान्ति कालभैरवाङ्घ्रिसन्निधिं ध्रुवम्।
devaraajasevyamaana- paavanaanghripankajam
vyaalayajnyasootramindushekharam kri'paakaram.
naaradaadiyogivri'ndavanditam digambaram
kaashikaapuraadhinaatha- kaalabhairavam bhaje.
bhaanukot'ibhaasvaram bhavaabdhitaarakam param
neelakant'hameepsitaartha- daayakam trilochanam.
kaalakaalamambujaaksha- makshashoolamaksharam
kaashikaapuraadhinaatha- kaalabhairavam bhaje.
shoolat'ankapaashadand'a- paanimaadikaaranam
shyaamakaayamaadidevamaksharam niraamayam.
bheemavikramam prabhum vichitrataand'avapriyam
kaashikaapuraadhinaatha- kaalabhairavam bhaje.
bhuktimuktidaayakam prashastachaaruvigraham
bhaktavatsalam sthiram samastalokavigraham.
nikkvananmanojnyahema- kinkineelasatkat'im
kaashikaapuraadhinaatha- kaalabhairavam bhaje.
dharmasetupaalakam tvadharmamaarganaashakam
karmapaashamochakam susharmadaayakam vibhum.
svarnavarnakeshapaasha- shobhitaanganirmalam
kaashikaapuraadhinaatha- kaalabhairavam bhaje.
ratnapaadukaaprabhaabhiraama- paadayugmakam
nityamadviteeyamisht'adaivatam niranjanam.
mri'tyudarpanaashakam karaaladamsht'rabhooshanam
kaashikaapuraadhinaatha- kaalabhairavam bhaje.
at't'ahaasabhinnapadma- jaankoshasantatim
dri'sht'ipaatanasht'apaapa- jaalamugrashaasanam.
asht'asiddhidaayakam kapaalamaalikaadharam
kaashikaapuraadhinaatha- kaalabhairavam bhaje.
bhootasanghanaayakam vishaalakeertidaayakam
kaashivaasilokapunya- paapashodhakam vibhum.
neetimaargakovidam puraatanam jagatpatim
kaashikaapuraadhinaatha- kaalabhairavam bhaje.
kaalabhairavaasht'akam pat'hanti ye manoharam
jnyaanamuktisaadhakam vichitrapunyavardhanam.
shokamohalobhadainyakopa- taapanaashanam
te prayaanti kaalabhairavaanghrisannidhim dhruvam.
Kalpaka Ganapati Stotram
shreemattilvavane sabheshasadanapratyakkakubgopuraa- dhobhaagasthitachaarusadmavasatirbhaktesht'akalpadrumah' .....
Click here to know more..Krishna Lahari Stotram
praseedeti kroshannimishamiva neshyaami divasaan. kadaa drakshye poornam purushamamalam pankajadri'sham aho vishno yogin rasikamuraleemohana vibho. da....
Click here to know more..Hayagreeva Mantra for Success in Studies
udgiratpranavodgeetha sarvavaageeshvareshvara . sarvavedamayaa'chintya sarvam bodhaya bodhaya ......
Click here to know more..