व्रजे प्रसिद्धं नवनीतचौरं
गोपाङ्गनानां च दुकूलचौरम् ।
अनेकजन्मार्जितपापचौरं
चौराग्रगण्यं पुरुषं नमामि ॥
श्रीराधिकाया हृदयस्य चौरं
नवाम्बुदश्यामलकान्तिचौरम् ।
पदाश्रितानां च समस्तचौरं
चौराग्रगण्यं पुरुषं नमामि ॥
अकिञ्चनीकृत्य पदाश्रितं यः
करोति भिक्षुं पथि गेहहीनम् ।
केनाप्यहो भीषणचौर ईदृग्-
दृष्टः श्रुतो वा न जगत्त्रयेऽपि ॥
यदीय नामापि हरत्यशेषं
गिरिप्रसारान् अपि पापराशीन् ।
आश्चर्यरूपो ननु चौर ईदृग्
दृष्टः श्रुतो वा न मया कदापि ॥
धनं च मानं च तथेन्द्रियाणि
प्राणांश्च हृत्वा मम सर्वमेव ।
पलायसे कुत्र धृतोऽद्य चौर
त्वं भक्तिदाम्नासि मया निरुद्धः ॥
छिनत्सि घोरं यमपाशबन्धं
भिनत्सि भीमं भवपाशबन्धम् ।
छिनत्सि सर्वस्य समस्तबन्धं
नैवात्मनो भक्तकृतं तु बन्धम् ॥
मन्मानसे तामसराशिघोरे
कारागृहे दुःखमये निबद्धः ।
लभस्व हे चौर हरे चिराय
स्वचौर्यदोषोचितमेव दण्डम् ॥
कारागृहे वस सदा हृदये मदीये
मद्भक्तिपाशदृढबन्धननिश्चलः सन् ।
त्वां कृष्ण हे प्रलयकोटिशतान्तरेऽपि
सर्वस्वचौर हृदयान् न हि मोचयामि ॥
vraje prasiddham' navaneetachauram'
gopaanganaanaam' cha dukoolachauram .
anekajanmaarjitapaapachauram'
chauraagraganyam' purusham' namaami ..
shreeraadhikaayaa hri'dayasya chauram'
navaambudashyaamalakaantichauram .
padaashritaanaam' cha samastachauram'
chauraagraganyam' purusham' namaami ..
akinchaneekri'tya padaashritam' yah'
karoti bhikshum' pathi gehaheenam .
kenaapyaho bheeshanachaura eedri'g-
dri'sht'ah' shruto vaa na jagattraye'pi ..
yadeeya naamaapi haratyashesham'
giriprasaaraan api paaparaasheen .
aashcharyaroopo nanu chaura eedri'g
dri'sht'ah' shruto vaa na mayaa kadaapi ..
dhanam' cha maanam' cha tathendriyaani
praanaam'shcha hri'tvaa mama sarvameva .
palaayase kutra dhri'to'dya chaura
tvam' bhaktidaamnaasi mayaa niruddhah' ..
chhinatsi ghoram' yamapaashabandham'
bhinatsi bheemam' bhavapaashabandham .
chhinatsi sarvasya samastabandham'
naivaatmano bhaktakri'tam' tu bandham ..
manmaanase taamasaraashighore
kaaraagri'he duh'khamaye nibaddhah' .
labhasva he chaura hare chiraaya
svachauryadoshochitameva dand'am ..
kaaraagri'he vasa sadaa hri'daye madeeye
madbhaktipaashadri'd'habandhananishchalah' san .
tvaam' kri'shna he pralayakot'ishataantare'pi
sarvasvachaura hri'dayaan na hi mochayaami ..
Ganesha Manjari Stotram
he heramba madeeyachittaharinam hyatyantalolam mudhaa dhaavantam vishayaakhyaduh'khaphaladaaranye'nudhaavannaham .....
Click here to know more..Udupi Krishna Suprabhatam
uttisht'hottisht'ha govinda uttisht'ha garud'adhvaja . uttisht'ha kamalaakaanta trailokyam' mangalam' kuru ......
Click here to know more..Garuda Attacks Swarga For Amrita
Devas were well prepared for the imminent attack. Ready with drawn-out weapons. Devendra himself stood with his Vajrayudha. ....
Click here to know more..