ವ್ರಜೇ ಪ್ರಸಿದ್ಧಂ ನವನೀತಚೌರಂ
ಗೋಪಾಂಗನಾನಾಂ ಚ ದುಕೂಲಚೌರಂ .
ಅನೇಕಜನ್ಮಾರ್ಜಿತಪಾಪಚೌರಂ
ಚೌರಾಗ್ರಗಣ್ಯಂ ಪುರುಷಂ ನಮಾಮಿ ..
ಶ್ರೀರಾಧಿಕಾಯಾ ಹೃದಯಸ್ಯ ಚೌರಂ
ನವಾಂಬುದಶ್ಯಾಮಲಕಾಂತಿಚೌರಂ .
ಪದಾಶ್ರಿತಾನಾಂ ಚ ಸಮಸ್ತಚೌರಂ
ಚೌರಾಗ್ರಗಣ್ಯಂ ಪುರುಷಂ ನಮಾಮಿ ..
ಅಕಿಂಚನೀಕೃತ್ಯ ಪದಾಶ್ರಿತಂ ಯಃ
ಕರೋತಿ ಭಿಕ್ಷುಂ ಪಥಿ ಗೇಹಹೀನಂ .
ಕೇನಾಪ್ಯಹೋ ಭೀಷಣಚೌರ ಈದೃಗ್-
ದೃಷ್ಟಃ ಶ್ರುತೋ ವಾ ನ ಜಗತ್ತ್ರಯೇಽಪಿ ..
ಯದೀಯ ನಾಮಾಪಿ ಹರತ್ಯಶೇಷಂ
ಗಿರಿಪ್ರಸಾರಾನ್ ಅಪಿ ಪಾಪರಾಶೀನ್ .
ಆಶ್ಚರ್ಯರೂಪೋ ನನು ಚೌರ ಈದೃಗ್
ದೃಷ್ಟಃ ಶ್ರುತೋ ವಾ ನ ಮಯಾ ಕದಾಪಿ ..
ಧನಂ ಚ ಮಾನಂ ಚ ತಥೇಂದ್ರಿಯಾಣಿ
ಪ್ರಾಣಾಂಶ್ಚ ಹೃತ್ವಾ ಮಮ ಸರ್ವಮೇವ .
ಪಲಾಯಸೇ ಕುತ್ರ ಧೃತೋಽದ್ಯ ಚೌರ
ತ್ವಂ ಭಕ್ತಿದಾಮ್ನಾಸಿ ಮಯಾ ನಿರುದ್ಧಃ ..
ಛಿನತ್ಸಿ ಘೋರಂ ಯಮಪಾಶಬಂಧಂ
ಭಿನತ್ಸಿ ಭೀಮಂ ಭವಪಾಶಬಂಧಂ .
ಛಿನತ್ಸಿ ಸರ್ವಸ್ಯ ಸಮಸ್ತಬಂಧಂ
ನೈವಾತ್ಮನೋ ಭಕ್ತಕೃತಂ ತು ಬಂಧಂ ..
ಮನ್ಮಾನಸೇ ತಾಮಸರಾಶಿಘೋರೇ
ಕಾರಾಗೃಹೇ ದುಃಖಮಯೇ ನಿಬದ್ಧಃ .
ಲಭಸ್ವ ಹೇ ಚೌರ ಹರೇ ಚಿರಾಯ
ಸ್ವಚೌರ್ಯದೋಷೋಚಿತಮೇವ ದಂಡಂ ..
ಕಾರಾಗೃಹೇ ವಸ ಸದಾ ಹೃದಯೇ ಮದೀಯೇ
ಮದ್ಭಕ್ತಿಪಾಶದೃಢಬಂಧನನಿಶ್ಚಲಃ ಸನ್ .
ತ್ವಾಂ ಕೃಷ್ಣ ಹೇ ಪ್ರಲಯಕೋಟಿಶತಾಂತರೇಽಪಿ
ಸರ್ವಸ್ವಚೌರ ಹೃದಯಾನ್ ನ ಹಿ ಮೋಚಯಾಮಿ ..
ಸುಬ್ರಹ್ಮಣ್ಯ ಭುಜಂಗ ಸ್ತೋತ್ರ
ಸದಾ ಬಾಲರೂಪಾಽಪಿ ವಿಘ್ನಾದ್ರಿಹಂತ್ರೀ ಮಹಾದಂತಿವಕ್ತ್ರಾಽಪಿ ಪಂ....
Click here to know more..ವೇದಸಾರ ಶಿವ ಸ್ತೋತ್ರ
ಪಶೂನಾಂ ಪತಿಂ ಪಾಪನಾಶಂ ಪರೇಶಂ ಗಜೇಂದ್ರಸ್ಯ ಕೃತ್ತಿಂ ವಸಾನಂ ವರೇ....
Click here to know more..ಆಲೋಚನೆಗಳ ಶುದ್ಧತೆಗಾಗಿ ಮಂತ್ರ
ಸದಾಶಿವಾಯ ವಿದ್ಮಹೇ ಅತಿಶುದ್ಧಾಯ ಧೀಮಹಿ ತನ್ನೋ ರುದ್ರಃ ಪ್ರಚೋದಯ....
Click here to know more..