ಪರಮಾನಂದಸರ್ವಸ್ವಂ ಪಾಶುಪಾಲ್ಯಪರಿಷ್ಕೃತಂ
ಚಿರಮಾಸ್ವಾದಯಂತೀ ಮೇ ಜೃಮ್ಯತಾಂ ಚೇತಸಿ ಸ್ಥಿತಿಃ .
ದೂರದೂರಮುಪಾರುಹ್ಯ ಪತತಾಮಪಿ ಚಾಂತರಾ
ಸಕೃದಾಕ್ರಂದನೇನೈವ ವರದಃ ಕರದೋ ಭವೇತ್ ..
ಮಮ ಚೇತಸಿ ಮಾದ್ಯತೋ ಮುರಾರೇಃ
ಮಧುರಸ್ಮೇರಮುಪಾಧ್ವಮಾನನೇಂದುಂ .
ಕಮನೀಯತನೋಃ ಕಟಾಕ್ಷಲಕ್ಷ್ಮೀಂ
ಕನ್ಯಯಾಪಿ ಪ್ರಣತೇಷು ಕಾಮಧೇನೋಃ ..
ವರದಸ್ಯ ವಯಂ ಕಟಾಕ್ಷಲಕ್ಷ್ಮೀಂ
ವರಯಾಮಃ ಪರಮೇಣ ಚಾಪಲೇನ .
ಸಕೃದಪ್ಯುಪಗಮ್ಯ ಸಮ್ಮುಖಂ
ಸಹಸಾ ವರ್ಷತಿ ಯೋಷಿತೋಽಪಿ ಕಾಮಂ ..
ಜೃಂಭತಾಂ ವೋ ಹೃದಯೇ ಜಗತ್ತ್ತ್ರಯೀಸುಂದರಾಃ ಕಟಾಕ್ಷಭರಾಃ .
ಅಂಭೋದಾನ್ ಗಗನಚರಾನಾಹ್ವಯಮಾನಸ್ಯ ಬಾಲಸ್ಯ ..
ಜೃಂಭಂತಾಂ ವಃ ಕರಿಗಿರಿಜುಷಃ ಕಟಾಕ್ಷಚ್ಛಟಾ ವಿಭೋರ್ಮನಸಿ .
ಅಂಭೋಧರಮಧಃಕೃತ್ವಾ ಹರ್ಷಾತ್ಸ್ವೈರಂ ಶಯಾನಸ್ಯ ..
ಬ್ರಜಜನವನಿತಾಮದಾಂಧಕೇಲಿ-
ಕಲಹಕಟಾಕ್ಷಾವಲಕ್ಷವಿಭ್ರಮೋ ವಃ .
ವಿಹರತು ಹೃದಯೇ ವಿಲಾಸಸಿಂಧು-
ರ್ಮುಹುರಬಿಲಂಗಿತಮುಗ್ಧಶೈಶವಶ್ರೀಃ ..
ವರವಿತರಣಕೇಲಿಧನ್ಯಧನ್ಯಾ
ಮಧುರತರಾಃ ಕರುಣಾಕಟಾಕ್ಷಲಕ್ಷ್ಮ್ಯಾಃ .
ಕರಿಗಿರಿಸುಕೃತಾಂಕುರಸ್ಯ ಕಸ್ಯಾ-
ಭಿನವವಾರಿವಹಸ್ಯ ವಿಭ್ರತಾಂ ವಃ ..
ಇತ್ಯಷ್ಟಕಂ ಪುಷ್ಟರಸಾನುಬಂಧಂ
ವಿನೋದಗೋಷ್ಠೀಸಮಯೇ ವಿಯುಂಕ್ತಾಂ .
ವ್ರಜಾಂಗನಾನಾಂ ಕುಚಯೋಃ ಕರೀಂದ್ರ-
ಶೈಲಸ್ಯ ಮೌಲೌ ಚ ಮುಹುರ್ವಿಹರ್ತಾ ..
ಶ್ರೀಕೃಷ್ಣಲೀಲಾಶುಕವಾಙ್ಮಯೀಭಿ-
ರೇವಂವಿಧಾಭಿರ್ವಿಬುಧಾಹತಾಭಿಃ .
ಪುಷ್ಣಂತು ಧನ್ಯಾಃ ಪುನರುಕ್ತಹರ್ಷ-
ಮಾಯೂಂಷಿ ಪೀಯೂಷತರಂಗಿಣೀಭಿಃ ..
ವಿಷ್ಣು ಮಂಗಲ ಸ್ತವಂ
ಸುಮಂಗಲಂ ಮಂಗಲಮೀಶ್ವರಾಯ ತೇ ಸುಮಂಗಲಂ ಮಂಗಲಮಚ್ಯುತಾಯ ತೇ. ಸುಮಂಗ....
Click here to know more..ಆಂಜನೇಯ ಮಂಗಲ ಅಷ್ಟಕ ಸ್ತೋತ್ರ
ಕಪಿಶ್ರೇಷ್ಠಾಯ ಶೂರಾಯ ಸುಗ್ರೀವಪ್ರಿಯಮಂತ್ರಿಣೇ. ಜಾನಕೀಶೋಕನಾಶ....
Click here to know more..ರಕ್ಷಣೆಗಾಗಿ ಶ್ರೀ ಕೃಷ್ಣ ಮಂತ್ರ
ಸ್ಥಾನೇ ಹೃಷೀಕೇಶ ತವ ಪ್ರಕೀರ್ತ್ಯಾ ಜಗತ್ ಪ್ರಹೃಷ್ಯತ್ಯನುರಜ್ಯತ....
Click here to know more..