अधरं मधुरं वदनं मधुरं नयनं मधुरं हसितं मधुरम्।
हृदयं मधुरं गमनं मधुरं मथुराधिपतेरखिलं मधुरम्।
वचनं मधुरं चरितं मधुरं वसनं मधुरं वलितं मधुरम्।
चलितं मधुरं भ्रमितं मधुरं मथुराधिपतेरखिलं मधुरम्।
वेणुर्मधुरो रेणुर्मधुरः पाणिर्मधुरः पादौ मधुरौ।
नृत्यं मधुरं सख्यं मधुरं मथुराधिपतेरखिलं मधुरम्।
गीतं मधुरं पीतं मधुरं भुक्तं मधुरं सुप्तं मधुरम्।
रूपं मधुरं तिलकं मधुरं मथुराधिपतेरखिलं मधुरम्।
करणं मधुरं तरणं मधुरं हरणं मधुरं रमणं मधुरम्।
वमितं मधुरं शमितं मधुरं मथुराधिपतेरखिलं मधुरम्।
गुञ्जा मधुरा माला मधुरा यमुना मधुरा वीची मधुरा।
सलिलं मधुरं कमलं मधुरं मथुराधिपतेरखिलं मधुरम्।
गोपी मधुरा लीला मधुरा युक्तं मधुरं मुक्तं मधुरम्।
दृष्टं मधुरं शिष्टं मधुरं मथुराधिपतेरखिलं मधुरम्।
गोपा मधुरा गावो मधुरा यष्टिर्मधुरा सृष्टिर्मधुरा।
दलितं मधुरं फलितं मधुरं मथुराधिपतेरखिलं मधुरम्।
adharam madhuram vadanam madhuram nayanam madhuram hasitam madhuram.
hri'dayam madhuram gamanam madhuram mathuraadhipaterakhilam madhuram.
vachanam madhuram charitam madhuram vasanam madhuram valitam madhuram.
chalitam madhuram bhramitam madhuram mathuraadhipaterakhilam madhuram.
venurmadhuro renurmadhurah' paanirmadhurah' paadau madhurau.
nri'tyam madhuram sakhyam madhuram mathuraadhipaterakhilam madhuram.
geetam madhuram peetam madhuram bhuktam madhuram suptam madhuram.
roopam madhuram tilakam madhuram mathuraadhipaterakhilam madhuram.
karanam madhuram taranam madhuram haranam madhuram ramanam madhuram.
vamitam madhuram shamitam madhuram mathuraadhipaterakhilam madhuram.
gunjaa madhuraa maalaa madhuraa yamunaa madhuraa veechee madhuraa.
salilam madhuram kamalam madhuram mathuraadhipaterakhilam madhuram.
gopee madhuraa leelaa madhuraa yuktam madhuram muktam madhuram.
dri'sht'am madhuram shisht'am madhuram mathuraadhipaterakhilam madhuram.
gopaa madhuraa gaavo madhuraa yasht'irmadhuraa sri'sht'irmadhuraa.
dalitam madhuram phalitam madhuram mathuraadhipaterakhilam madhuram.
Ganapati Mangala Ashtakam
gajaananaaya gaangeyasahajaaya sadaatmane. gaureepriyatanoojaaya ganeshaayaastu mangalam. naagayajnyopaveetaaya natavighnavinaashine. nandyaadigananaa....
Click here to know more..Raghava Ashtakam
raaghavam karunaakaram munisevitam suravanditam jaanakeevadanaaravinda- divaakaram gunabhaajanam. vaalisoonuhitaishinam hanumatpriyam kamalekshanam ya....
Click here to know more..Vaishno Devi Temple
There are three pindies representing Mahakali, Mahalakshmi, and Mahasaraswati inside the cave temple. To the right of the pindies, there are symbols o....
Click here to know more..