सर्वमार्गेषु नष्टेषु कलौ च खलधर्मिणि।
पाषण्डप्रचुरे लोके कृष्ण एव गतिर्मम।
म्लेच्छाक्रान्तेषु देशेषु पापैकनिलयेषु च।
सत्पीडाव्यग्रलोकेषु कृष्ण एव गतिर्मम।
गङ्गादितीर्थवर्येषु दुष्टैरेवावृतेष्विह।
तिरोहिताधिदैवेषु कृष्ण एव गतिर्मम।
अहङ्कारविमूढेषु सत्सु पापानुवर्तिषु।
लोभपूजार्थलाभेषु कृष्ण एव गतिर्मम।
अपरिज्ञाननष्टेषु मन्त्रेष्वव्रतयोगिषु।
तिरोहितार्थदैवेषु कृष्ण एव गतिर्मम।
नानावादविनष्टेषु सर्वकर्मव्रतादिषु।
पाषण्डैकप्रयत्नेषु कृष्ण एव गतिर्मम।
अजामिलादिदोषाणां नाशकोऽनुभवे स्थितः।
ज्ञापिताखिलमाहात्म्यः कृष्ण एव गतिर्मम।
प्राकृताः सकला देवा गणितानन्दकं बृहत्।
पूर्णानन्दो हरिस्तस्मात्कृष्ण एव गतिर्मम।
विवेकधैर्यभक्त्यादि- रहितस्य विशेषतः।
पापासक्तस्य दीनस्य कृष्ण एव गतिर्मम।
सर्वसामर्थ्यसहितः सर्वत्रैवाखिलार्थकृत्।
शरणस्थसमुद्धारं कृष्णं विज्ञापयाम्यहम्।
कृष्णाश्रयमिदं स्तोत्रं यः पठेत् कृष्णसन्निधौ।
तस्याश्रयो भवेत् कृष्ण इति श्रीवल्लभोऽब्रवीत्।
sarvamaargeshu nasht'eshu kalau cha khaladharmini.
paashand'aprachure loke kri'shna eva gatirmama.
mlechchhaakraanteshu desheshu paapaikanilayeshu cha.
satpeed'aavyagralokeshu kri'shna eva gatirmama.
gangaaditeerthavaryeshu dusht'airevaavri'teshviha.
tirohitaadhidaiveshu kri'shna eva gatirmama.
ahankaaravimood'heshu satsu paapaanuvartishu.
lobhapoojaarthalaabheshu kri'shna eva gatirmama.
aparijnyaananasht'eshu mantreshvavratayogishu.
tirohitaarthadaiveshu kri'shna eva gatirmama.
naanaavaadavinasht'eshu sarvakarmavrataadishu.
paashand'aikaprayatneshu kri'shna eva gatirmama.
ajaamilaadidoshaanaam naashako'nubhave sthitah'.
jnyaapitaakhilamaahaatmyah' kri'shna eva gatirmama.
praakri'taah' sakalaa devaa ganitaanandakam bri'hat.
poornaanando haristasmaatkri'shna eva gatirmama.
vivekadhairyabhaktyaadi- rahitasya visheshatah'.
paapaasaktasya deenasya kri'shna eva gatirmama.
sarvasaamarthyasahitah' sarvatraivaakhilaarthakri't.
sharanasthasamuddhaaram kri'shnam vijnyaapayaamyaham.
kri'shnaashrayamidam stotram yah' pat'het kri'shnasannidhau.
tasyaashrayo bhavet kri'shna iti shreevallabho'braveet.
Kumara Mangala Stotram
yajnyopaveeteekri'tabhogiraajo ganaadhiraajo gajaraajavaktrah'.....
Click here to know more..Lakshmi Ashtakam
yasyaah' kat'aakshamaatrena brahmarudrendrapoorvakaah'. suraah' sveeyapadaanyaapuh' saa lakshmeerme praseedatu. yaa'naadikaalato muktaa sarvadoshaviva....
Click here to know more..What Are The Eight Siddhis?
What is anima? Power to make the body as small as you want, as tiny as an atom. The opposite of this mahima - the power to make the body as huge as yo....
Click here to know more..