इन्द्रनीलमणिमञ्जुलवर्णः फुल्लनीपकुसुमाञ्चितकर्णः ।
कृष्णलाभिरकृशोरसिहारी सुन्दरो जयति कुञ्जविहारी ॥
राधिकावदनचन्द्रचकोरः सर्ववल्लववधूधृतिचोरः ।
चर्चरीचतुरताञ्चितचारी चारुतो जयति कुञ्जविहारी ॥
सर्वताः प्रतिथकौलिकपर्वध्वंसनेन हृतवासवगर्वः ।
गोष्ठरक्षणकृते गिरिधारी लीलया जयति कुञ्जविहारी ॥
रागमण्डलविभूषितवंशी विभ्रमेणमदनोत्सवशंसी-
स्तूयमानचरितः शुकशारिश्रोणिभिर्जयति कुञ्जविहारी ॥
शातकुम्भरुचिहारिदुकूलः केकिचन्द्रकविराजितचूडः ।
नव्ययौवनलसद्व्रजनारीरञ्जनो जयति कुञ्जविहारी ॥
स्थासकीकृतसुगन्धिपटीरः स्वर्णकाञ्चिपरिशोभिकटीरः ।
राधिकोन्नतपयोधरवारीकुञ्जारो जयति कुञ्जविहारी ॥
गौरधातुतिलकोज्ज्वलफालः केलिचञ्चलितचम्पकमालः ।
अद्रिकन्दरगृहेष्वभिसारी सुभ्रुवां जयति कुञ्जविहारी ॥
विभ्रमोच्चलदृगञ्चलनृत्यक्षिप्तगोपललनाखिलकृत्यः ।
प्रेममत्तवृषभानुकुमारीनागरो जयति कुञ्जविहारी ॥
अष्टकं मधुरकुञ्जविहारी क्रीडया पठति यः किल हारी ।
स प्रयाति विलसत्परभागं तस्य पादकमलार्चनरागम् ॥
indraneelamanimanjulavarnah' phullaneepakusumaanchitakarnah' .
kri'shnalaabhirakri'shorasihaaree sundaro jayati kunjavihaaree ..
raadhikaavadanachandrachakorah' sarvavallavavadhoodhri'tichorah' .
charchareechaturataanchitachaaree chaaruto jayati kunjavihaaree ..
sarvataah' pratithakaulikaparvadhvam'sanena hri'tavaasavagarvah' .
gosht'harakshanakri'te giridhaaree leelayaa jayati kunjavihaaree ..
raagamand'alavibhooshitavam'shee vibhramenamadanotsavasham'see-
stooyamaanacharitah' shukashaarishronibhirjayati kunjavihaaree ..
shaatakumbharuchihaaridukoolah' kekichandrakaviraajitachood'ah' .
navyayauvanalasadvrajanaareeranjano jayati kunjavihaaree ..
sthaasakeekri'tasugandhipat'eerah' svarnakaanchiparishobhikat'eerah' .
raadhikonnatapayodharavaareekunjaaro jayati kunjavihaaree ..
gauradhaatutilakojjvalaphaalah' kelichanchalitachampakamaalah' .
adrikandaragri'heshvabhisaaree subhruvaam' jayati kunjavihaaree ..
vibhramochchaladri'ganchalanri'tyakshiptagopalalanaakhilakri'tyah' .
premamattavri'shabhaanukumaareenaagaro jayati kunjavihaaree ..
asht'akam' madhurakunjavihaaree kreed'ayaa pat'hati yah' kila haaree .
sa prayaati vilasatparabhaagam' tasya paadakamalaarchanaraagam ..
Other languages: Hindi
Guru Ashtottara Shatanamavali
om sadgurave namah' . om ajnyaananaashakaaya namah' . om adambhine namah' . om advaitaprakaashakaaya namah' . om anapekshaaya namah' . om anasooyave n....
Click here to know more..Giridhara Ashtakam
tryailokyalakshmee- madabhri'tsureshvaro yadaa ghanairantakarairvavarsha ha. tadaakarodyah' svabalena rakshanam tam gopabaalam giridhaarinam bhaje. ya....
Click here to know more..Mantra For Recovery Of Lost Or Stolen Stuff
कार्तवीर्यार्जुनो नाम राजा बाहुसहस्रवान्। अस्य संस्मर....
Click here to know more..