വിഘ്നേശ്വരം ചതുർബാഹും ദേവപൂജ്യം പരാത്പരം|
ഗണേശം ത്വാം പ്രപന്നോഽഹം വിഘ്നാൻ മേ നാശയാഽഽശു ഭോഃ|
ലംബോദരം ഗജേശാനം വിശാലാക്ഷം സനാതനം|
ഏകദന്തം പ്രപന്നോഽഹം വിഘ്നാൻ മേ നാശയാഽഽശു ഭോഃ|
ആഖുവാഹനമവ്യക്തം സർവശാസ്ത്രവിശാരദം|
വരപ്രദം പ്രപന്നോഽഹം വിഘ്നാൻ മേ നാശയാഽഽശു ഭോഃ|
അഭയം വരദം ദോർഭ്യാം ദധാനം മോദകപ്രിയം|
ശൈലജാജം പ്രപന്നോഽഹം വിഘ്നാൻ മേ നാശയാഽഽശു ഭോഃ|
ഭക്തിതുഷ്ടം ജഗന്നാഥം ധ്യാതൃമോക്ഷപ്രദം ദ്വിപം|
ശിവസൂനും പ്രപന്നോഽഹം വിഘ്നാൻ മേ നാശയാഽഽശു ഭോഃ|
സംസാരാബ്ധിതരിം ദേവം കരിരൂപം ഗണാഗ്രഗം|
സ്കന്ദാഗ്രജം പ്രപന്നോഽഹം വിഘ്നാൻ മേ നാശയാഽഽശു ഭോഃ|
കാരുണ്യാമൃതജീമൂതം സുരാസുരനമസ്കൃതം|
ശൂലഹസ്തം പ്രപന്നോഽഹം വിഘ്നാൻ മേ നാശയാഽഽശു ഭോഃ|
പരേശ്വരം മഹാകായം മഹാഭാരതലേഖകം|
വേദവേദ്യം പ്രപന്നോഽഹം വിഘ്നാൻ മേ നാശയാഽഽശു ഭോഃ|
വിഘ്നേശാഷ്ടകമേതദ്യഃ സർവവിഘ്നൗഘനാശനം|
പഠേത് പ്രതിദിനം പ്രാതസ്തസ്യ നിർവിഘ്നതാ ഭവേത്|
പാർവതീ ചാലിസാ
ജയ ഗിരീ തനയേ ദക്ഷജേ ശംഭു പ്രിയേ ഗുണഖാനി. ഗണപതി ജനനീ പാർവ....
Click here to know more..വിഘ്നരാജ സ്തുതി
യേ പഠന്തി വിഘ്നരാജഭക്തിരക്തചേതസഃ സ്തോത്രരാജമേനസോപമുക....
Click here to know more..ഗുരുവായൂര് വിഗ്രഹമാഹാത്മ്യം
ഗുരുവും വായുവും ചേര്ന്ന് കണ്ടെത്തിയ ഊരിന്റെ നാമം ഗുര....
Click here to know more..