പ്രാതഃ സ്മരാമി ഗണനാഥമുഖാരവിന്ദം
നേത്രത്രയം മദസുഗന്ധിതഗണ്ഡയുഗ്മം.
ശുണ്ഡഞ്ച രത്നഘടമണ്ഡിതമേകദന്തം
ധ്യാനേന ചിന്തിതഫലം വിതരന്നമീക്ഷ്ണം.
പ്രാതഃ സ്മരാമി ഗണനാഥഭുജാനശേഷാ-
നബ്ജാദിഭിർവിലസിതാൻ ലസിതാംഗദൈശ്ച.
ഉദ്ദണ്ഡവിഘ്നപരിഖണ്ഡന- ചണ്ഡദണ്ഡാൻ
വാഞ്ഛാധികം പ്രതിദിനം വരദാനദക്ഷാൻ.
പ്രാതഃ സ്മരാമി ഗണനാഥവിശാലദേഹം
സിന്ദൂരപുഞ്ജപരിരഞ്ജിത- കാന്തികാന്തം.
മുക്താഫലൈർമണി- ഗണൈർലസിതം സമന്താത്
ശ്ലിഷ്ടം മുദാ ദയിതയാ കില സിദ്ധലക്ഷ്മ്യാ.
പ്രാതഃ സ്തുവേ ഗണപതിം ഗണരാജരാജം
മോദപ്രമോദസുമുഖാദി- ഗണൈശ്ച ജുഷ്ടം.
ശക്ത്യഷ്ടഭിർവിലസിതം നതലോകപാലം
ഭക്താർതിഭഞ്ജനപരം വരദം വരേണ്യം.
പ്രാതഃ സ്മരാമി ഗണനായകനാമരൂപം
ലംബോദരം പരമസുന്ദരമേകദന്തം.
സിദ്ധിപ്രദം ഗജമുഖം സുമുഖം ശരണ്യം
ശ്രേയസ്കരം ഭുവനമംഗലമാദിദേവം.
യഃ ശ്ലോകപഞ്ചകമിദം പഠതി പ്രഭാതേ
ഭക്ത്യാ ഗൃഹീതചരണോ ഗണനായകസ്യ.
തസ്മൈ ദദാതി മുദിതോ വരദാനദക്ഷ-
ശ്ചിന്താമണിർനിഖില- ചിന്തിതമർഥകാമം.
കൃഷ്ണ അഷ്ടകം
വസുദേവസുതം ദേവം കംസചാണൂരമർദനം. ദേവകീപരമാനന്ദം കൃഷ്ണം വ....
Click here to know more..ഉമാ മഹേശ്വര സ്തോത്രം
നമഃ ശിവാഭ്യാം നവയൗവനാഭ്യാം പരസിപരാശ്ലിഷ്ടവപുർധരാഭ്യാ....
Click here to know more..കുടുംബത്തിലെ ഐക്യത്തിനുള്ള മന്ത്രം
ഓം രാം രാമായ നമഃ. ഓം ലം ലക്ഷ്മണായ നമഃ. ഓം ഭം ഭരതായ. ഓം ശം ശത....
Click here to know more..