ഗൃത്സമദ ഉവാച -
മദാസുരഃ പ്രണമ്യാദൗ പരശും യമസന്നിഭം .
തുഷ്ടാവ വിവിധൈർവാക്യൈഃ ശസ്ത്രം ബ്രഹ്മമയം ഭയാത് ..1..
മദാസുര ഉവാച -
നമസ്തേ ശസ്ത്രരാജായ നമസ്തേ പരശോ മഹൻ .
തേജഃപുഞ്ജമയായൈവ കാലകാലായ തേ നമഃ ..2..
ഏകദന്തസ്യ യദ്വീര്യം സ്വധർമസ്ഥാപനാത്മകം .
ത്വമേവ നാത്ര സന്ദേഹോ രക്ഷ മാം ശരണാഗതം ..3..
അതസ്ത്വാം പ്രണമാമ്യേവ ജ്യോതീരൂപം മഹാദ്ഭുതം .
രക്ഷ മാം ഭയഭീതം വൈ ശരണാഗതവത്സല ..4..
കാലരൂപസ്ത്വമേവേഹ മഹാപ്രലയസൂചകഃ .
കഃ സമർഥശ്ച തേ വേഗസഹനേ ദേഹധാരകഃ ..5..
നമസ്തേ ഏകദന്തായ മായാമായികരൂപിണേ .
സദാ ബ്രഹ്മമയായൈവ ഗണേശായ നമോ നമഃ ..6..
മൂഷകാരൂഢരൂപായ മൂഷകധ്വജിനേ നമഃ .
സർവത്ര സംസ്ഥിതായൈവ ബന്ധഹീനായ തേ നമഃ ..7..
ചതുർബാഹുധരായൈവ ലംബോദര സുരൂപിണേ .
നാഭിശേഷായ വൈ തുഭ്യം ഹേരംബായ നമോ നമഃ ..8..
ചിന്താമണിധരായൈവ ചിത്തസ്ഥായ ഗജാനന .
നാനാഭൂഷണയുക്തായ ഗണാധിപതയേ നമഃ ..9..
അനന്തവിഭവായൈവാനന്തമായാപ്രചാലക! .
ഭക്താനന്ദപ്രദാത്രേ തേ വിഘ്നേശായ നമോ നമഃ ..10..
യോഗിനാം യോഗദാത്രേ തേ യോഗാനാം പതയേ നമഃ .
യോഗാകാരസ്വരൂപായ ഹ്യേകദന്തപ്രധാരിണേ ..11..
മായാകാരം ശരീരം തേ ഏകശബ്ദഃ പ്രകഥ്യതേ .
ദന്തഃ സത്താമയസ്തത്ര മസ്തകസ്തേ നമോ നമഃ ..12..
മായാസത്താവിഹീനസ്ത്വം തയോര്യോഗധരസ്തഥാ .
കസ്ത്വാം സ്തോതും സമർഥഃ സ്യാദതസ്തേ വൈ നമോ നമഃ ..13..
ശരണാഗതപാലായ ശരണാഗതവത്സല .
പുനഃ പുനഃ സിദ്ധിബുദ്ധിപതേ തുഭ്യം നമോ നമഃ ..14..
രക്ഷ മാമേകദന്തസ്ത്വം ശരണാഗതമഞ്ജസാ .
ഭക്തം ഭാവേന സമ്പ്രാപ്തം സംസാരാത്താരയസ്വ ച ..15..
ഗണേശ പഞ്ചാക്ഷര സ്തോത്രം
വക്രതുണ്ഡ മഹാകായ സൂര്യകോടിസമപ്രഭ। നിർവിഘ്നം കുരു മേ ദേ....
Click here to know more..ഗണാധിപ അഷ്ടക സ്തോത്രം
ശ്രിയമനപായിനീം പ്രദിശതു ശ്രിതകല്പതരുഃ ശിവതനയഃ ശിരോവി....
Click here to know more..വാസ്തു ദോഷങ്ങൾ നീക്കാൻ വാസ്തു ഗായത്രി മന്ത്രം
വാസ്തുനാഥായ വിദ്മഹേ ചതുർഭുജായ ധീമഹി. തന്നോ വാസ്തുഃ പ്ര....
Click here to know more..