ഏകദന്തം മഹാകായം തപ്തകാഞ്ചനസന്നിഭം.
ലംബോദരം വിശാലാക്ഷം വന്ദേഽഹം ഗണനായകം.
മൗഞ്ജീകൃഷ്ണാജിനധരം നാഗയജ്ഞോപവീതിനം.
ബാലേന്ദുസുകലാമൗലിം വന്ദേഽഹം ഗണനായകം.
അംബികാഹൃദയാനന്ദം മാതൃഭിഃ പരിവേഷ്ടിതം.
ഭക്തിപ്രിയം മദോന്മത്തം വന്ദേഽഹം ഗണനായകം.
ചിത്രരത്നവിചിത്രാംഗം ചിത്രമാലാവിഭൂഷിതം.
ചിത്രരൂപധരം ദേവം വന്ദേഽഹം ഗണനായകം.
ഗജവക്ത്രം സുരശ്രേഷ്ഠം കർണചാമരഭൂഷിതം.
പാശാങ്കുശധരം ദേവം വന്ദേഽഹം ഗണനായകം.
മൂഷകോത്തമമാരുഹ്യ ദേവാസുരമഹാഹവേ.
യോദ്ധുകാമം മഹാവീര്യം വന്ദേഽഹം ഗണനായകം.
യക്ഷകിന്നരഗന്ധർവസിദ്ധവിദ്യാധരൈഃ സദാ.
സ്തൂയമാനം മഹാത്മാനം വന്ദേഽഹം ഗണനായകം.
സർവവിഘ്നഹരം ദേവം സർവവിഘ്നവിവർജിതം.
സർവസിദ്ധിപ്രദാതാരം വന്ദേഽഹം ഗണനായകം.
ഗണാഷ്ടകമിദം പുണ്യം യഃ പഠേത് സതതം നരഃ.
സിദ്ധ്യന്തി സർവകാര്യാണി വിദ്യാവാൻ ധനവാൻ ഭവേത്.
വിഷ്ണു മംഗല സ്തവം
സുമംഗലം മംഗലമീശ്വരായ തേ സുമംഗലം മംഗലമച്യുതായ തേ. സുമംഗ....
Click here to know more..ദുഖതാരണ ശിവ സ്തോത്രം
മന്ത്രാത്മൻ നിയമിൻ സദാ പശുപതേ ഭൂമൻ ധ്രുവം ശങ്കര ശംഭോ പാ....
Click here to know more..ദുർഗ്ഗയുടെ അനുഗ്രഹങ്ങൾക്കുള്ള മന്ത്രം
ഓം ഐം ലൂം നമഃ ദുർഗാം ദേവീം ശരണമഹം പ്രപദ്യേ....
Click here to know more..