ಜಯತು ಜಯತು ಮಂದಾಕಿನಿ ತವ ಸಲಿಲಂ ಧವಲಂ .
ನಯ ವಿಲಯಂ ಭಾಗೀರಥಿ ನಮ ದುರಿತಂ ನಿಖಿಲಂ ..

ಶಂ ತನು ಶಂತನುದಯಿತೇ ಸದಯಾ ಭವ ಭವಪತಿತೇ .
ಶಮಯ ವಿಷಯಮಲಮಲಿನಂ ಮೇ ಜನನಿ ಮಾನಸಂ ..

ಸುರತಟಿನೀ ಸುರಸುಖದಾ ವಸುಜನನೀ ತ್ವಂ ವಸುಧಾ .
ಅಘನಾಶಿನಿ ಸುಖದಾ ತ್ವಂ ಭವಸಿ ಜನನಿ ಸತತಂ ..

ಮೀನಾ ಯೇ ತವ ಸಲಿಲೇ ತರವಸ್ತವ ಯೇ ಪುಲಿನೇ .
ಅಮರಾ ಅಪಿ ಕಾಙಕ್ಷಂತೇ ತದ್ಭಾಗ್ಯಂ ವಿಪುಲಂ ..

ಸುರಸೇವ್ಯಂ ತವ ತೀರಂ ಮಧುಮಧುರಂ ತವ ನೀರಂ .
ಭವತು ಸದಾ ಗಂಗೇ ತವ ಚರಣಂ ಮಮ ಶರಣಂ ..

ಹರಿಚರಣಾನ್ನಿರ್ಯಾತಾ ಹರಶೀರ್ಷೇ ವಿಶ್ರಾಂತಾ .
ಅಪನಯ ಮಮ ಮಾನಸಮಲಮಧುನಾ ತ್ವಂ ಪ್ರಬಲಂ ..

ಹಿಮಶಿಶಿರಂ ವಿಧುಧವಲಂ ಪಾವನತರಮತಿರುಚಿರಂ .
ವಿಲಸತು ಮಮ ವದನೇ ತವ ಗಂಗೇ ಜಲಮನಿಶಂ ..

ತವ ಚರಣೇ ಲೀನೋಽಹಂ ಸ್ಮರಣೇ ತವ ಮಗ್ನೋಽಹಂ .
ಶರಣಾಗತದೀನಂ ಮಾಂ ಜನನಿ ಪಾಹಿ ತನಯಂ ..

ಭಾಲಚಂದ್ರಶೀರ್ಷಸ್ಥಾ ತನುಷೇ ತ್ವಂ ಮಂಗಲತಾಂ
ನವಸುಷಮಾಂ ಮಂದಾಕಿನಿ ವಹಸಿ ತ್ವಂ ರಮ್ಯಾಂ ..

Ramaswamy Sastry and Vighnesh Ghanapaathi