మందాకినీ స్తోత్రం

జయతు జయతు మందాకిని తవ సలిలం ధవలం .
నయ విలయం భాగీరథి నమ దురితం నిఖిలం ..

శం తను శంతనుదయితే సదయా భవ భవపతితే .
శమయ విషయమలమలినం మే జనని మానసం ..

సురతటినీ సురసుఖదా వసుజననీ త్వం వసుధా .
అఘనాశిని సుఖదా త్వం భవసి జనని సతతం ..

మీనా యే తవ సలిలే తరవస్తవ యే పులినే .
అమరా అపి కాఙక్షంతే తద్భాగ్యం విపులం ..

సురసేవ్యం తవ తీరం మధుమధురం తవ నీరం .
భవతు సదా గంగే తవ చరణం మమ శరణం ..

హరిచరణాన్నిర్యాతా హరశీర్షే విశ్రాంతా .
అపనయ మమ మానసమలమధునా త్వం ప్రబలం ..

హిమశిశిరం విధుధవలం పావనతరమతిరుచిరం .
విలసతు మమ వదనే తవ గంగే జలమనిశం ..

తవ చరణే లీనోఽహం స్మరణే తవ మగ్నోఽహం .
శరణాగతదీనం మాం జనని పాహి తనయం ..

భాలచంద్రశీర్షస్థా తనుషే త్వం మంగలతాం
నవసుషమాం మందాకిని వహసి త్వం రమ్యాం ..