മന്ദാകിനീ സ്തോത്രം

ജയതു ജയതു മന്ദാകിനി തവ സലിലം ധവലം .
നയ വിലയം ഭാഗീരഥി നമ ദുരിതം നിഖിലം ..

ശം തനു ശന്തനുദയിതേ സദയാ ഭവ ഭവപതിതേ .
ശമയ വിഷയമലമലിനം മേ ജനനി മാനസം ..

സുരതടിനീ സുരസുഖദാ വസുജനനീ ത്വം വസുധാ .
അഘനാശിനി സുഖദാ ത്വം ഭവസി ജനനി സതതം ..

മീനാ യേ തവ സലിലേ തരവസ്തവ യേ പുലിനേ .
അമരാ അപി കാങക്ഷന്തേ തദ്ഭാഗ്യം വിപുലം ..

സുരസേവ്യം തവ തീരം മധുമധുരം തവ നീരം .
ഭവതു സദാ ഗംഗേ തവ ചരണം മമ ശരണം ..

ഹരിചരണാന്നിര്യാതാ ഹരശീർഷേ വിശ്രാന്താ .
അപനയ മമ മാനസമലമധുനാ ത്വം പ്രബലം ..

ഹിമശിശിരം വിധുധവലം പാവനതരമതിരുചിരം .
വിലസതു മമ വദനേ തവ ഗംഗേ ജലമനിശം ..

തവ ചരണേ ലീനോഽഹം സ്മരണേ തവ മഗ്നോഽഹം .
ശരണാഗതദീനം മാം ജനനി പാഹി തനയം ..

ഭാലചന്ദ്രശീർഷസ്ഥാ തനുഷേ ത്വം മംഗലതാം
നവസുഷമാം മന്ദാകിനി വഹസി ത്വം രമ്യാം ..