സപ്തനദീ അപരാധ ക്ഷമാപണ സ്തോത്രം

ഗംഗേ മമാപരാധാനി ക്ഷമസ്വ ശിവജൂടജേ.
സർവപാപവിനാശയ ത്വാം സദാ ഭക്ത ആശ്രയേ..

യമുനേ കൃതപാപേഭ്യഃ ക്ഷീണം സദ്ഗതിയാചകം.
ക്ഷമസ്വ ദീനം മാം ദേവി ത്വാമഹം ശരണം ഗതഃ..

ഗോദാവരി കൃതാന്യേവം പാപാനീഹ മയാ ഭുവി.
ക്ഷന്തവ്യോഽഹം ത്വയാ ദേവി ശാന്തിം കുരു കൃപാന്വിതേ..

നർമദേ പാപശമനി പാദയോഃ പ്രണമാമി തേ.
അജ്ഞാനകൃതപാപാനി ക്ഷമസ്വ ദയയാ മമ..

സരസ്വതി ശരണ്യാ ത്വം ഭക്തപാപഹരേശ്വരി.
ക്ഷമസ്വ ദയയാ ദേവി ദീനസ്യ കലുഷം മമ..

സിന്ധോ തവ കൃപായാശ്ച പാത്രം ഭൂയാസമദ്രിജേ.
ക്ഷമസ്വ കൃപയാ പാപം ത്വം സദാ ശരണം മമ..

കാവേരി പാപഹരിണി ദീനാർതിഹരണേ ശിവേ.
പാപം ഹര മമ ക്ഷിപ്രം ശരണാഗതവത്സലേ..