ಶಿವನ ಮೂರ್ತಿಯನ್ನು ಪೂಜಿಸಬಹುದೇ?

ಹೆಚ್ಚಿನ ದೇವಾಲಯಗಳಲ್ಲಿ, ನೀವು ಶಿವಲಿಂಗವನ್ನು ನೋಡುತ್ತೀರಿ. ಕೆಲವೇ ಕೆಲವು ದೇವಾಲಯಗಳಲ್ಲಿ ಶಿವನ ವಿಗ್ರಹವಿರುತ್ತದೆ. ಇದು ಏಕೆ? ಶಿವನ ಮೂರ್ತಿಯನ್ನು ಪೂಜಿಸುವುದು ತಪ್ಪೇ?

ಬಹಳ ಹಿಂದೆಯೇ ಭೃಗು ಮಹರ್ಷಿ ಬ್ರಹ್ಮ, ವಿಷ್ಣು ಮತ್ತು ಶಿವನನ್ನು ಪರೀಕ್ಷಿಸಲು ಬಯಸಿದ್ದರು. ಭೃಗು ಕೋಪಗೊಂಡಾಗ, ಬ್ರಹ್ಮ ಮತ್ತು ಶಿವ ಕೋಪದಿಂದ ಪ್ರತಿಕ್ರಿಯಿಸಿದರು. ಭೃಗುವು ಶಿವನನ್ನು ಶಪಿಸಿದ. ಶಿವನನ್ನು ಶಿವಲಿಂಗವಾಗಿ ಮಾತ್ರ ಪೂಜಿಸುವಂತಾಗಲಿ , ವಿಗ್ರಹವಾಗಿ ಅಲ್ಲ.ಎಂದು ಶಾಪವನ್ನು ಕೊಟ್ಟ. ಈ ಶಾಪವೇ ನಮಗೆ ವಿಗ್ರಹಗಳಿಗಿಂತ ಹೆಚ್ಚಾಗಿ ಶಿವಲಿಂಗವನ್ನು ಕಾಣಲು ಕಾರಣವಾಗಿರಬಹುದು.

ಆದಾಗ್ಯೂ, ಶಿವನ ವಿಗ್ರಹ ಮತ್ತು ಶಿವಲಿಂಗ ಎರಡನ್ನೂ ಪೂಜಿಸುವುದರಿಂದ ಆಶೀರ್ವಾದ ಸಿಗುತ್ತದೆ ಎಂದು ಶಿವ ಪುರಾಣವು ತಿಳಿಸುತ್ತದೆ. ಇದು ಈ ಜಗತ್ತಿನಲ್ಲಿ ಸಂತೋಷ (ಭೋಗ) ಮತ್ತು ಮುಕ್ತಿ (ಮೋಕ್ಷ) ಎರಡನ್ನೂ ನೀಡುತ್ತದೆ. ಹಾಗಾಗಿ ಶಿವನ ಮೂರ್ತಿಯನ್ನು ಪೂಜಿಸುವುದು ತಪ್ಪಲ್ಲ.

ಹಾಗಾದರೆ ಶಿವಲಿಂಗಕ್ಕೆ ಏಕೆ ಮಹತ್ವವಿದೆ? ಎಲ್ಲಾ ದೇವರುಗಳಿಗೆ ಎರಡು ರೂಪಗಳಿವೆ. ಮೊದಲನೆಯದು ಸಗುಣ. ಸಗುಣ ಎಂದರೆ ಶಿವನನ್ನು ಹೇಗೆ ಮೂರು ಕಣ್ಣುಗಳು, ತ್ರಿಶೂಲ ಮತ್ತು ಸರ್ಪಗಳಿಂದ ತೋರಿಸಲಾಗುವುದೋ ಹಾಗೆ. ಎರಡನೆಯ ರೂಪವು ನಿರ್ಗುಣ. ನಿರ್ಗುಣ ಎಂದರೆ ರೂಪವಿಲ್ಲದ. ಇದನ್ನು ನೋಡಲು ಅಥವಾ ವಿವರಿಸಲು ಸಾಧ್ಯವಿಲ್ಲ. ಶಿವಲಿಂಗವು ಶಿವನ ನಿರ್ಗುಣ ರೂಪ (ಕಾಣದ ರೂಪ )ವನ್ನು ಪ್ರತಿನಿಧಿಸುತ್ತದೆ,

ಶಿವನಿಗೆ ಮಾತ್ರ ಏಕೆ ಈ ಲಿಂಗ ರೂಪವಿದೆ? ಶಿವನು ಮೋಕ್ಷದ (ವಿಮೋಚನೆ) ದೇವರು. ಅವನು ಎಲ್ಲಾ ಬಂಧಗಳನ್ನು ಮತ್ತು ಅಜ್ಞಾನವನ್ನು ನಾಶಮಾಡುತ್ತಾನೆ. ಲೌಕಿಕ ಬಯಕೆಗಳಿಗಾಗಿ ಇತರ ದೇವರುಗಳನ್ನು ಹೆಚ್ಚಾಗಿ ಪೂಜಿಸಲಾಗುತ್ತದೆ. ಆರಾಧಕರು ನಂತರ ಮೋಕ್ಷವನ್ನು ತಲುಪಲು ಧ್ಯಾನ ಮಾಡುತ್ತಾರೆ. ಆದರೆ ಶಿವನೊಂದಿಗೆ, ಮೋಕ್ಷಕ್ಕೂ ಶಿವಲಿಂಗ ಸಾಕು. ಶಿವಲಿಂಗವನ್ನಪೂಜಿಸುವುದರಿಂದ ಲೌಕಿಕ ಅನುಗ್ರಹ ಮತ್ತು ಮೋಕ್ಷ ಎರಡನ್ನೂ ಪಡೆಯಬಹುದು.

ಪರಮಾತ್ಮ ಶಿವನು ದೋಷಗಳನ್ನು ಹೋಗಲಾಡಿಸಲು, ದುಷ್ಟತನವನ್ನು ತೆಗೆದುಹಾಕಲು, ತೊಂದರೆಗಳನ್ನು ಕೊನೆಗೊಳಿಸಲು ಮತ್ತು ತನ್ನ ಭಕ್ತರನ್ನು ಆಶೀರ್ವದಿಸಲು ಸದಾ ಸಿದ್ಧ. ಶಿವಲಿಂಗವನ್ನು ಪೂಜಿಸುವುದರಿಂದ ಇವುಗಳೂ ಸಿಗಬಹುದೇ? ಹೌದು, ಅದು ಖಂಡಿತಾ ಸಾಧ್ಯವಿದೆ ನಿರ್ಗುಣ, ಅಥವಾ ಕಾಣದ ರೂಪ, ಸಗುಣವನ್ನೂ ಒಳಗೊಂಡಿದೆ. ಇದರರ್ಥ ಶಿವಲಿಂಗವನ್ನು ಪೂಜಿಸುವುದರಿಂದ ಪ್ರಾಪಂಚಿಕ ಅಗತ್ಯಗಳನ್ನು ಸಹಾ ಪೂರೈಸಬಹುದು.

ನಿಮ್ಮ ಇಚ್ಛೆಯು ಲೌಕಿಕ ಆಶೀರ್ವಾದವಾಗಿದ್ದರೆ, ನೀವು ಶಿವನ ಮೂರ್ತಿಯನ್ನು ಸಗುಣ ರೂಪದಲ್ಲಿ ಪೂಜಿಸಬಹುದು. ನಿಮಗೆ ಲೌಕಿಕ ಅನುಗ್ರಹ ಮತ್ತು ಮೋಕ್ಷ ಎರಡೂ ಬೇಕಾದರೆ, ಶಿವಲಿಂಗವನ್ನು ಪೂಜಿಸಿ. ನಿಮ್ಮ ಏಕೈಕ ಆಸೆ ಮೋಕ್ಷವಾಗಿದ್ದರೆ, ಶಿವಲಿಂಗವನ್ನು ಪೂಜಿಸುವುದು ಸೂಕ್ತವಾದ ಮಾರ್ಗವಾಗಿದೆ.

Ramaswamy Sastry and Vighnesh Ghanapaathi