Venkatesha Prabhava Stotram
श्रीवेङ्कटेशपदपङ्कजधूलिपङ्क्तिः
संसारसिन्धुतरणे तरणिर्नवीना ।
सर्वाघपुञ्जहरणाय च धूमकेतुः
पायादनन्यशरणं स्वयमेव लोकम् ॥
शेषाद्रिगेह तव कीर्तितरङ्गपुञ्ज
आभूमिनाकमभितः सकलान् पुनानः ।
मत्कर्णयुग्मविवरे परिगम्य सम्यक्
कुर्यादशेषमनिशं खलु तापभङ्गम् ॥
वैकुण्ठराजसकलोऽपि धनेशवर्गो
नीतोऽपमानसरणिं त्वयि विश्वसित्रा ।
तस्मादयं न समयः परिहासवाचाम्
इष्टं प्रपूर्य कुरु मां कृतकृत्यसङ्घम् ॥
श्रीमन्नारास्तु कतिचिद्धनिकांश्च केचित्
क्षोणीपतीन् कतिचिदत्र च राजलोकान् ।
आराधयन्तुमलशून्यमहं भवन्तं
कल्याणलाभजननायसमर्थमेकम् ॥
लक्ष्मीपतित्वमखिलेश तव प्रसिद्धमत्र
प्रसिद्धमवनौमदकिञ्चनत्वम् ।
तस्योपयोगकरणायमया त्वया च
कार्यः समागमैदं मनसि स्थितं मे ॥
शेषाद्रिनाथ भवताऽयमहं सनाथः
सत्यं वदामि भगवंस्त्वमनाथ एव ।
तस्मात् कुरुष्व मदभीप्सितकृत्यजाल-
मेवत्वदीप्सित कृतौ तु भवान् समर्थः ॥
क्रुद्धो यदा भवसि तत्क्षणमेव भूपो
रङ्कायते त्वमसि चेत्खलु तोषयुक्तः ।
भूपायतेऽथ निखिलश्रुतिवेद्यरङ्क
इच्छाम्यतस्तव दयाजलवृष्टिपातम् ॥
अङ्गीकृतं सुविरुदं भगवंस्त्वयेति
मद्भक्तपोषणमहं सततं करोमि ।
आविष्कुरुस्वमयि सत्सततं प्रदीने
चिन्ताप्रहारमयमेवहियोग्यकालः ॥
सर्वासु जातिषु मयातु समत्वमेव
निश्चीयतेतव विभो करुणाप्रवाहात् ।
प्रह्लादपाण्डुसुतबल्लव गृघ्रकादौ
नीचो न भाति मम कोऽप्यत एव हेतोः ॥
सम्भावितास्तु परिभूतिमथ प्रयान्ति
धूर्ताजपं हि कपटैकपरा जगत्याम् ।
प्राप्तेतु वेङ्कटविभो परिणामकाले
स्याद्वैपरीत्यमिव कौरवपाण्डवानाम् ॥
श्रीवेङ्कटेश तव पादसरोजयुग्मे
संसारदुःखशमनाय समर्पयामि ।
भास्वत्सदष्टकमिदं रचितं
प्रभाकरोऽहमनिशं विनयेन युक्तः ॥
श्रीशालिवाहनशकेशरकाष्टभूमि-
सङ्ख्यामितेऽथविजयाभिधवत्सरेऽयम् ।
श्रीकेशवात्मजेदं व्यतनोत् समल्पं
स्तोत्रम्प्रभाकर इति प्रथिताभिधाना ॥
shreevenkat'eshapadapankajadhoolipanktih'
sam'saarasindhutarane taranirnaveenaa .
sarvaaghapunjaharanaaya cha dhoomaketuh'
paayaadananyasharanam' svayameva lokam ..
sheshaadrigeha tava keertitarangapunja
aabhoominaakamabhitah' sakalaan punaanah' .
matkarnayugmavivare parigamya samyak
kuryaadasheshamanisham' khalu taapabhangam ..
vaikunt'haraajasakalo'pi dhaneshavargo
neeto'pamaanasaranim' tvayi vishvasitraa .
tasmaadayam' na samayah' parihaasavaachaam
isht'am' prapoorya kuru maam' kri'takri'tyasangham ..
shreemannaaraastu katichiddhanikaam'shcha kechit
kshoneepateen katichidatra cha raajalokaan .
aaraadhayantumalashoonyamaham' bhavantam'
kalyaanalaabhajananaayasamarthamekam ..
lakshmeepatitvamakhilesha tava prasiddhamatra
prasiddhamavanaumadakinchanatvam .
tasyopayogakaranaayamayaa tvayaa cha
kaaryah' samaagamaidam' manasi sthitam' me ..
sheshaadrinaatha bhavataa'yamaham' sanaathah'
satyam' vadaami bhagavam'stvamanaatha eva .
tasmaat kurushva madabheepsitakri'tyajaala-
mevatvadeepsita kri'tau tu bhavaan samarthah' ..
kruddho yadaa bhavasi tatkshanameva bhoopo
rankaayate tvamasi chetkhalu toshayuktah' .
bhoopaayate'tha nikhilashrutivedyaranka
ichchhaamyatastava dayaajalavri'sht'ipaatam ..
angeekri'tam' suvirudam' bhagavam'stvayeti
madbhaktaposhanamaham' satatam' karomi .
aavishkurusvamayi satsatatam' pradeene
chintaaprahaaramayamevahiyogyakaalah' ..
sarvaasu jaatishu mayaatu samatvameva
nishcheeyatetava vibho karunaapravaahaat .
prahlaadapaand'usutaballava gri'ghrakaadau
neecho na bhaati mama ko'pyata eva hetoh' ..
sambhaavitaastu paribhootimatha prayaanti
dhoortaajapam' hi kapat'aikaparaa jagatyaam .
praaptetu venkat'avibho parinaamakaale
syaadvaipareetyamiva kauravapaand'avaanaam ..
shreevenkat'esha tava paadasarojayugme
sam'saaraduh'khashamanaaya samarpayaami .
bhaasvatsadasht'akamidam' rachitam'
prabhaakaro'hamanisham' vinayena yuktah' ..
shreeshaalivaahanashakesharakaasht'abhoomi-
sankhyaamite'thavijayaabhidhavatsare'yam .
shreekeshavaatmajedam' vyatanot samalpam'
stotramprabhaakara iti prathitaabhidhaanaa ..
Other stotras
