വാഗ്വാദിനീ ഷട്ക സ്തോത്രം

വരദാപ്യഹേതുകരുണാജന്മാവനിരപി പയോജഭവജായേ .
കിം കുരുഷേന കൃപാം മയി വദ വദ വാഗ്വാദിനി സ്വാഹാ ..

കിം വാ മമാസ്തി മഹതീ പാപതതിസ്തത്പ്രഭേദനേ തരസാ .
കിം വാ ന തേഽസ്തി ശക്തിർവദ വദ വാഗ്വാദിനി സ്വാഹാ ..

കിം ജീവഃ പരമശിവാദ്ഭിന്നോഽഭിന്നോഽഥ ഭേദശ്ച .
ഔപാധികഃ സ്വതോ വാ വദ വദവാഗ്വാദിനി സ്വാഹാ ..

വിയദാദികം ജഗദിദം സർവം മിഥ്യാഽഥവാ സത്യം .
മിഥ്യാത്വധീഃ കഥം സ്യാദ്വദ വദ വാഗ്വാദിനി സ്വാഹാ ..

ജ്ഞാനം കർമ ച മിലിതം ഹേതുർമോക്ഷേഽഥവാ ജ്ഞാനം .
തജ്ജ്ഞാനം കേന ഭവേദ്വദ വദവാഗ്വാദിനി സ്വാഹാ ..

ജ്ഞാനം വിചാരസാധ്യം കിം വാ യോഗേന കർമസാഹസ്രൈഃ .
കീദൃക്സോഽപി വിചാരോ വദ വദ വാഗ്വാദിനി സ്വാഹാ ..

Ramaswamy Sastry and Vighnesh Ghanapaathi

Other stotras