असितं वनमालिनं हरिं
धृतगोवर्धनमुत्तमोत्तमम्।
वरदं करुणालयं सदा
व्रजगोपीरमणं भजाम्यहम्।
पृथिवीपतिमव्ययं महा-
बलमग्र्यं नियतं रमापतिम्।
दनुजान्तकमक्षयं भृशं
व्रजगोपीरमणं भजाम्यहम्।
सदयं मधुकैटभान्तकं
चरिताशेषतपःफलं प्रभुम्।
अभयप्रदमादिजं मुदा
व्रजगोपीरमणं भजाम्यहम्।
महनीयमभद्रनाशकं
नतशोकार्त्तिहरं यशस्करम्।
मुरशत्रुमभीष्टदं हृदा
व्रजगोपीरमणं भजाम्यहम्।
अमरेन्द्रविभुं निरामयं
रमणीयाम्बुजलोचनं चिरम्।
मुनिभिः सततं नतं पुरा
व्रजगोपीरमणं भजाम्यहम्।
निगमागमशास्त्रवेदितं
कलिकाले भवतारणं सुरं
विधिशम्भुनमस्कृतं मुहु-
र्व्रजगोपीरमणं भजाम्यहम्।

asitam vanamaalinam harim
dhri'tagovardhanamuttamottamam.
varadam karunaalayam sadaa
vrajagopeeramanam bhajaamyaham.
pri'thiveepatimavyayam mahaa-
balamagryam niyatam ramaapatim.
danujaantakamakshayam bhri'sham
vrajagopeeramanam bhajaamyaham.
sadayam madhukait'abhaantakam
charitaasheshatapah'phalam prabhum.
abhayapradamaadijam mudaa
vrajagopeeramanam bhajaamyaham.
mahaneeyamabhadranaashakam
natashokaarttiharam yashaskaram.
murashatrumabheesht'adam hri'daa
vrajagopeeramanam bhajaamyaham.
amarendravibhum niraamayam
ramaneeyaambujalochanam chiram.
munibhih' satatam natam puraa
vrajagopeeramanam bhajaamyaham.
nigamaagamashaastraveditam
kalikaale bhavataaranam suram
vidhishambhunamaskri'tam muhu-
rvrajagopeeramanam bhajaamyaham.

Ramaswamy Sastry and Vighnesh Ghanapaathi