निखिलश्रुतिमौलिरत्नमाला
द्युतिनीराजितपादपङ्कजान्त ।
अयि मुक्तकुलैरुपास्यमानं
परितस्त्वां हरिनाम संश्रयामि ॥

जय नामधेय मुनिवृन्दगेय हे
जनरञ्जनाय परमाक्षराकृते ।
त्वमनादरादपि मनाग् उदीरितं
निखिलोग्रतापपटलीं विलुम्पसि ॥

यदाभासोऽप्युद्यन् कवलितभवध्वान्तविभवो
दृशं तत्त्वान्धानामपि दिशति भक्तिप्रणयिनीम् ।
जनस्तस्योदात्तं जगति भगवन्नामतरणे
कृती ते निर्वक्तुं क इह महिमानं प्रभवति ॥

यद् ब्रह्मसाक्षात्कृतिनिष्ठयापि
विनाशमायाति विना न भोगैः ।
अपैति नाम स्फुरणेन तत् ते
प्रारब्धकर्मेति विरौति वेदः ॥

अघदमनयशोदानन्दनौ नन्दसूनो
कमलनयनगोपीचन्द्रवृन्दावनेन्द्राः ।
प्रणतकरुणकृष्णावित्यनेकस्वरूपे
त्वयि मम रतिरुच्चैर्वर्धतां नामधेय ॥

वाच्यो वाचकमित्युदेति भवतो नाम स्वरूपद्वयं
पूर्वस्मात् परमेव हन्त करुणा तत्रापि जानीमहे ।
यस्तस्मिन् विहितापराधनिवहः प्राणी समन्ताद् भवेद्
आस्येनेदमुपास्य सोऽपि हि सदानन्दाम्बुधौ मज्जति ॥

सूदिताश्रितजनार्तिराशये
रम्यचिद्घनसुखस्वरूपिणे ।
नाम गोकुलमहोत्सवाय ते
कृष्णपूर्णवपुषे नमो नमः ॥

नारदवीणोज्जीवनसुधोर्मिनिर्यासमाधुरीपूर ।
त्वं कृष्णनाम कामं स्फुर मे रसने रसेन सदा ॥

nikhilashrutimauliratnamaalaa
dyutineeraajitapaadapankajaanta .
ayi muktakulairupaasyamaanam'
paritastvaam' harinaama sam'shrayaami ..

jaya naamadheya munivri'ndageya he
janaranjanaaya paramaaksharaakri'te .
tvamanaadaraadapi manaag udeeritam'
nikhilogrataapapat'aleem' vilumpasi ..

yadaabhaaso'pyudyan kavalitabhavadhvaantavibhavo
dri'sham' tattvaandhaanaamapi dishati bhaktipranayineem .
janastasyodaattam' jagati bhagavannaamatarane
kri'tee te nirvaktum' ka iha mahimaanam' prabhavati ..

yad brahmasaakshaatkri'tinisht'hayaapi
vinaashamaayaati vinaa na bhogaih' .
apaiti naama sphuranena tat te
praarabdhakarmeti virauti vedah' ..

aghadamanayashodaanandanau nandasoono
kamalanayanagopeechandravri'ndaavanendraah' .
pranatakarunakri'shnaavityanekasvaroope
tvayi mama ratiruchchairvardhataam' naamadheya ..

vaachyo vaachakamityudeti bhavato naama svaroopadvayam'
poorvasmaat parameva hanta karunaa tatraapi jaaneemahe .
yastasmin vihitaaparaadhanivahah' praanee samantaad bhaved
aasyenedamupaasya so'pi hi sadaanandaambudhau majjati ..

sooditaashritajanaartiraashaye
ramyachidghanasukhasvaroopine .
naama gokulamahotsavaaya te
kri'shnapoornavapushe namo namah' ..

naaradaveenojjeevanasudhorminiryaasamaadhureepoora .
tvam' kri'shnanaama kaamam' sphura me rasane rasena sadaa ..

Ramaswamy Sastry and Vighnesh Ghanapaathi