ഹരിനാമ അഷ്ടക സ്തോത്രം
നിഖിലശ്രുതിമൗലിരത്നമാലാ
ദ്യുതിനീരാജിതപാദപങ്കജാന്ത .
അയി മുക്തകുലൈരുപാസ്യമാനം
പരിതസ്ത്വാം ഹരിനാമ സംശ്രയാമി ..
ജയ നാമധേയ മുനിവൃന്ദഗേയ ഹേ
ജനരഞ്ജനായ പരമാക്ഷരാകൃതേ .
ത്വമനാദരാദപി മനാഗ് ഉദീരിതം
നിഖിലോഗ്രതാപപടലീം വിലുമ്പസി ..
യദാഭാസോഽപ്യുദ്യൻ കവലിതഭവധ്വാന്തവിഭവോ
ദൃശം തത്ത്വാന്ധാനാമപി ദിശതി ഭക്തിപ്രണയിനീം .
ജനസ്തസ്യോദാത്തം ജഗതി ഭഗവന്നാമതരണേ
കൃതീ തേ നിർവക്തും ക ഇഹ മഹിമാനം പ്രഭവതി ..
യദ് ബ്രഹ്മസാക്ഷാത്കൃതിനിഷ്ഠയാപി
വിനാശമായാതി വിനാ ന ഭോഗൈഃ .
അപൈതി നാമ സ്ഫുരണേന തത് തേ
പ്രാരബ്ധകർമേതി വിരൗതി വേദഃ ..
അഘദമനയശോദാനന്ദനൗ നന്ദസൂനോ
കമലനയനഗോപീചന്ദ്രവൃന്ദാവനേന്ദ്രാഃ .
പ്രണതകരുണകൃഷ്ണാവിത്യനേകസ്വരൂപേ
ത്വയി മമ രതിരുച്ചൈർവർധതാം നാമധേയ ..
വാച്യോ വാചകമിത്യുദേതി ഭവതോ നാമ സ്വരൂപദ്വയം
പൂർവസ്മാത് പരമേവ ഹന്ത കരുണാ തത്രാപി ജാനീമഹേ .
യസ്തസ്മിൻ വിഹിതാപരാധനിവഹഃ പ്രാണീ സമന്താദ് ഭവേദ്
ആസ്യേനേദമുപാസ്യ സോഽപി ഹി സദാനന്ദാംബുധൗ മജ്ജതി ..
സൂദിതാശ്രിതജനാർതിരാശയേ
രമ്യചിദ്ഘനസുഖസ്വരൂപിണേ .
നാമ ഗോകുലമഹോത്സവായ തേ
കൃഷ്ണപൂർണവപുഷേ നമോ നമഃ ..
നാരദവീണോജ്ജീവനസുധോർമിനിര്യാസമാധുരീപൂര .
ത്വം കൃഷ്ണനാമ കാമം സ്ഫുര മേ രസനേ രസേന സദാ ..
Other stotras
